Pontevedra abre expediente a Audasa polo estado da ponte da AP-9 en Mollavao
Por Alejandro Espiño
Os servizos técnicos do Concello de Pontevedra abriron un expediente a Audasa, concesionaria da autoestrada AP-9, ante as deficiencias detectadas na ponte de Mollavao.
"Hai que ser áxiles e actuar de inmediato para resolvelas", sinalou a concelleira Carme da Silva, que explicou que os técnicos municipais xa se puxeron en contacto co persoal de mantemento da autoestrada.
Da Silva sinalou que "non é a primeira vez" que se detectan problemas neste viaduto e o pasado mes de agosto xa se realizaron diferentes reparacións, a pedimento dos inspectores do Concello.
Por mor deste novo incidente e das denuncias veciñais, estes volveron revisar a ponte e aínda que non acharon cascallos si advertiron de novas deficiencias que debe resolver Audasa.
Desde o goberno municipal reitera a responsabilidade que ten a concesionaria da AP-9 para realizar un óptimo mantemento da súa infraestrutura e, no caso de Mollavao, garantir a seguridade das persoas e os bens afectados.
Relacionadas:
-
Pechan cinco días as pistas deportivas de Mollavao por obras de mantemento na AP-9
Por Alejandro Espiño |
-
Mollabao Sí! solicita unha serie de melloras de accesibilidade ao proxecto de reforma de Rosalía de Castro
Por Redacción |
-
Audasa resolverá no verán as deficiencias da ponte da AP-9 en Mollavao
Por Alejandro Espiño |
-
A ponte da AP-9 sobre Mollavao cae a cachos
Por Redacción |