Un gromo de covid-19 en Medicina Interna de Montecelo afecta once sanitarios e seis pacientes
Por Alejandro Espiño & Natalia Puga
Situación complicada a que se está vivindo no Hospital Montecelo. Ao preocupante aumento das hospitalizacións por covid-19, súmase agora un gromo de grandes dimensións que se detectou no servizo de Medicina Interna.
Ata o momento confirmáronse 17 contaxios, segundo recoñeceu a xerencia da área sanitaria de Pontevedra, que activou o protocolo ante este gromo de covid-19.
En concreto, están afectados once profesionais sanitarios e seis pacientes que, segundo o Servizo Galego de Saúde, están baixo seguimento dos servizos de Medicina Preventiva e a unidade de prevención de riscos laborais.
Os pacientes que estaban ingresados en Medicina Interna e que deron positivo foron trasladados a outras áreas de hospitalización de Montecelo, onde se lles realiza un seguimento clínico constante para comprobar a súa evolución.
O resto dos contaxiados neste brote atópanse illados nos seus domicilios.
Parte da área de hospitalización de Medicina Interna continúa sen pacientes para continuar co proceso de limpeza e desinfección de habitacións, espazos comúns e áreas que utilizan os profesionais. Este traballo, segundo o Sergas, terminará en breve.
AUMENTO DE CONTAXIOS ENTRE PROFESIONAIS
Fontes consultadas por PontevedraViva alertaron do aumento de contaxios entre os profesionais detectados nos últimos días. Entre o xoves 21 de xaneiro e este luns 25 confirmáronse 32 positivos, dos que 29 son no Complexo Hospitalario de Pontevedra, dous no Hospital do Salnés e outro nun Punto de Atención Continuada (PAC).
Son 32 contaxios en tan só 72 horas que levan a confirmar que hai moita transmisión comunitaria da enfermidade.
Para facer fronte a este aumento de contaxios, desde Sanidade acordouse adoptar unha medida que os sindicatos pedían desde hai meses: todos os sanitarios con contacto directo con pacientes levarán máscaras FPP2, tanto se están en unidades covid coma se non.
Relacionadas:
-
Un gromo de covid-19 no IES A Xunqueira I obriga a confinar cinco aulas
Por Redacción |
-
A covid-19 azouta á Escola Naval cun gromo de máis de medio cento de afectados
Por Redacción |
-
A área sanitaria, desbordada: 2.022 casos activos de covid-19 e 134 hospitalizados tras 165 novos contaxios
Por Alejandro Espiño |
-
Pontevedra, Poio, Marín e Sanxenxo acumulan dous de cada tres novos contaxios na área
Por Alejandro Espiño |
-
A saturación de Montecelo obriga a trasladar pacientes con covid-19 ao Hospital do Salnés
Por Natalia Puga |
-
Continúa a escalada: 216 novos contaxios por covid-19 na área sanitaria nas últimas horas
Por Redacción |
-
O Sergas fará un cribado xeral en Poio diante do avance da covid-19
Por Oskar Viéitez |