Dúas de cada tres sancións en Pontevedra son por saltar o peche perimetral
Por Alejandro Espiño
As novas restricións aprobadas pola alta incidencia da covid-19 modificou a tipoloxía de sancións que se impoñen en Pontevedra. O peche perimetral en solitario da cidade fixo que se disparen as denuncias por saltarse este confinamento xeográfico.
Así, dúas de cada tres sancións que impuxo a Policía Local na última semana foron a persoas que, procedentes doutros municipios, entraron en Pontevedra sen causa xustificada.
En concreto, dos trece multados entre os días 18 e 24 de xaneiro, oito foron por saltar o peche perimetral de Pontevedra.
Os sancionados foron dúas persoas que procedían de Cangas, outros dúas que viñan de Poio, dúas con residencia fixada en Marín e outras dúas eran de Cerdedo-Cotobade.
Ademais, dous locais de hostalería, un en Juan Bautista Andrade e outro na Rúa da Estrada, foron propostos para sanción por incumprir as distancias e superar o 50% do aforo nas súas terrazas, segundo explicou a portavoz do goberno municipal, Anabel Gulías.
Dúas persoas que foron denunciadas por falta de respecto á autoridade e outra que foi sancionada por fumar na rúa sen manter as distancias completan as trece intervencións con sanción que a Policía Local acumulou esta semana.
Relacionadas:
-
Denuncian por cuarta vez un bar de Xeve por incumprir as restricións pola pandemia
Por Oskar Viéitez |
-
Denuncian oito persoas que facían botellón na rúa Tablada incumprindo as medidas anti covid-19
Por Natalia Puga |
-
A Policía Local renova a súa flota con dous novos vehículos
Por Redacción |
-
O Sergas fará un cribado xeral en Poio diante do avance da covid-19
Por Oskar Viéitez |
-
Pontevedra, Poio e Sanxenxo, á cabeza do incremento dos contaxios por covid-19
Por Alejandro Espiño |
-
Galicia limita as reunións só aos conviventes, pecha hostalería e ximnasios, os comercios só abrirán ata as seis
Por Oskar Viéitez | Creada e actualizada
-
Manuel Campos pide a suspensión das batidas de caza en Cuntis para evitar a entrada de persoas doutros concellos
Por Redacción |
-
Especial control policial este sábado nos centros comerciais para evitar aglomeracións
Por Redacción |
-
A Policía Local de Poio amplía os controis do peche perimetral e centran a atención na Barca e os accesos ao Vao
Por Redacción |