Notable aumento de casos positivos na maioría dos principais concellos das Rías Baixas
Por Redacción
Continúa o incremento de casos positivos nos principais municipios das Rías Baixas. O Sergas trasladaba aos concellos os seguintes datos:
Pontevedra conta con 380 casos activos, 28 máis nas últimas 24 horas.
Poio presenta 340 casos no municipio, 34 máis que na xornada do sábado 23.
Marín presenta 84 casos activos, 11 máis respecto á xornada de onte.
En Bueu, a xerencia da área sanitaria comunicou que existen 40 casos activos e, por tanto, non houbo variación respecto ao sábado.
Sanxenxo ofrece un incremento de 19 casos para situarse en 102. Neste municipio duplicouse a incidencia en apenas dous días. Pasou de 51 a 95 casos en 14 días, E a incidencia acumulada pasou de 292 a 545.
Na vila turística, ademais, o goberno local comunicou que se pecha unha aula de menores de dous anos na escola infantil do Revel tras dar positivo unha alumna. Tanto as dúas educadoras como o resto de escolares da clase deberán gardar corentena e serán sometidos a probas PCR nos vindeiros días.
En Vilagarcía o número de casos activos é 146, catro máis. Mentres que en Vilanova de Arousa son 42 casos, con tres novos positivos. Mentres que en Cambados hai 41 persoas infectadas.
En Barro permanecen os 18 casos activos que xa se detectaron durante o sábado.
En Caldas de Reis rexístranse 61 casos diagnosticados de infección activa nos últimos 14 días, os mesmos que no día de onte, o que continúa situando a incidencia en máis de 600 contaxios por cada 100.000 habitantes, tamén moi por riba dos 250 que marcan as autoridades sanitarias.
Todos os alcaldes lembran que a situación sanitaria está descontrolada a nivel xeral e que é preciso evitar as saídas de casa agás en casos realmente necesarios para reducir o número de contaxios. Lembran que moitas persoas infectadas carecen de síntomas e poden estar contaxiando a outras persoas en calquera ámbito.
Relacionadas:
-
Manuel Campos pide a suspensión das batidas de caza en Cuntis para evitar a entrada de persoas doutros concellos
Por Redacción |
-
Aumenta a presión hospitalaria: 117 persoas están ingresadas na área sanitaria por covid
Por Anxo Lourido & Mónica Patxot |
-
Unha muller de 70 anos falece por covid no Hospital Montecelo entre as catro vítimas que se rexistran este sábado na provincia
Por Cristina Saiz & Anxo Lourido |