O cribado feito en Bueu detecta dez positivos entre persoas de 15 a 70 anos
Por Redacción
Ata dez persoas deron positivo no cribado realizado en Bueu entre os veciños e veciñas de 15 a 70 anos. Así o confirmou o goberno municipal que, con datos do propio Servizo Galego de Saúde, explica que se analizaron 5.963 mostras de saliva.
A estes datos habería que sumar, de ser o caso, os positivos que se detectaran mediante PCR entre os maiores de 70 anos e dos que, polo de agora, non transcenderon os resultados.
O alcalde de Bueu, Félix Juncal, valorou positivamente o resultado deste cribado no que participaron o 80% dos veciños que estaban chamados.
Asegura que esta resposta "nos permite testar a nosa situación" que, nestes momentos, deixa en Bueu 37 casos activos por covid-19 e unha incidencia acumulada a 14 de días de 250 casos por cada 100.000 habitantes.
As autoridades sanitarias recoñecen que Bueu está nunha tendencia "positiva", aínda que o alcalde sinala que aínda que a evolución sexa "esperanzadora" hai que seguir cumprindo coas restricións fixadas polo avance da pandemia.
Bueu continúa en alerta máxima, o que implica que as reunións serán dun máximo de 4 persoas, o toque de queda ás 22 horas, o horario de peche do comercio fíxase ás 21,30 horas, e a hostalería e restauración poderá abrir ata as 18 horas, pero só con atención en terrazas ou con entrega a domicilio.
Ademais, a mobilidade non se permite máis aló do municipio, quedando illados de xeito individual.
Relacionadas:
-
Detectan dezaseis positivos no cribado por PCR entre o marisqueo da ría de Pontevedra
Por Redacción |
-
A área sanitaria pulveriza o seu pico de covid-19 con 1.485 contaxiados e case un cento de hospitalizados
Por Alejandro Espiño |
-
18 falecementos este xoves en Galicia por covid, entre eles dous homes no Hospital Montecelo
Por Cristina Saiz & Anxo Lourido |
-
Bueu suspende o Entroido e organizará unha exposición virtual para "manter o seu espírito"
Por Redacción |
-
Os maiores de 15 anos comezan a participar no cribado organizado en Bueu
Por Redacción | Creada e actualizada
-
Cribado voluntario en Bueu desde este venres ata o luns 18 para detectar portadores asintomáticos da covid-19
Por Redacción |