Ponte Caldelas pide á Xunta e á Deputación que destinen o 1 % dos seus orzamentos aos concellos
Por Redacción
O pleno do Concello de Ponte Caldelas aprobou este xoves unha moción impulsada polo PSOE a través da que instan á Xunta e á Deputación de Pontevedra a que destinen o 1 % dos seus orzamentos a unha liña de axudas directas aos concellos, que estes destinarán aos negocios que máis están a padecer os efectos da crise sanitaria e económica derivada da pandemia da covid-19.
Deste xeito, o Concello de Ponte Caldelas achegaría preto de 38.000 euros e encargaríase tamén de xestionar os fondos recibidos polas outras dúas administracións, cuxo montante se decidiría en función do número de habitantes ou por volume do tecido empresarial.
No seu discurso, o alcalde Andrés Díaz asegurou que Ponte Caldelas foi o primeiro concello de Galicia en ofrecer axudas directas aos autónomos e pemes.
O Partido Popular abstívose na votación desta proposta.