O PSOE de Cerdedo-Cotobade pide fondos ao Concello para poñer en marcha as súas mocións aprobadas durante 2020
Por Redacción
O grupo socialista do Concello de Cerdedo-Cotobade presenta unha serie de demandas ao goberno local que espera que sexan incluídas no orzamento municipal do 2021.
Desde a oposición diferencian as súas peticións en tres bloques. En primeiro lugar, as propostas presentadas ao longo do 2020 por este partido e que foron aprobadas en pleno por unanimidade. En segundo lugar, actuacións para axudar á poboación para superar a crise económicay sanitaria derivada da pandemia; e en terceiro lugar, iniciativas enfocadas na complexa situación do municipio
No primeiro bloque, piden os socialistas un servizo de bonotaxi, a limpeza dos ríos, a implantación dunha sala de espera no centro de saúde de Carballedo, mellores accesos ao colexio de Tenorio e máis dinamización cultural e deportiva nas parroquias.
O segundo piar pasa por reservar fondos para axudas á hostalería e pemes, mellorar a conexión a Internet, axudas para a compra de máscaras, subvencións para a compra de computadores ou a contratación de persoal para realizar labores de desinfección.
Finalmente, non se esquecen os socialistas do despoboamento do rural para o que piden un banco de alugueiro de vivienas, máis vivendas sociais e aprobar unha novo PXOM. Así mesmo ven necesario reforzar o sistema sanitario, incorporar un centro de día, mellorar a rede de transporte á residencia de maiores de Cerdedo, mellorar o servizo de axuda no fogar, iniciar o saneamento nas parroquias, axudas ao transporte escolar, campañas formativas para o tratamento de residuos, crear emprego e unha infinidade de peticións adicionais en materia de deportes, cultura e turismo.
Relacionadas:
-
O PSOE recupera a reclamación do Bono Taxi ante o peche de Abanca en Carballedo
Por Redacción |
-
O PSOE de Cerdedo-Cotobade aplaude a repartición de fondos da Deputación aos concellos
Por Redacción |
-
O PSOE de Cerdedo-Cotobade pide unha comisión de seguimento para vixiar as mocións aprobadas e sen executar
Por Redacción |
-
O PSOE de Cerdedo-Cotobade pide que se invista o superávit municipal nunha sala de espera para o centro de saúde
Por Redacción |