O Concello de Vilagarcía pide á cidadanía acatar as novas restricións e mostra o seu apoio a hostaleiros e comerciantes
Por Redacción
Vilagarcía volve estar en alerta vermella pola elevada incidencia de covid-19 rexistrada nos últimos días na capital arousá. Despois de recibir a noticia, o alcalde Alberto Varela pediu á cidadanía non baixar a garda e cumprir as normas como única maneira de frear o avance da pandemia no municipio.
Asumen desde o goberno local que as interaccións sociais do Nadal están detrás do forte incremento de casos dos últimos días, con 110 positivos e máis de 600 veciños en observación. Aínda así, as cifras deron un respiro este mércores cun lixeiro descenso ata os 108 casos activos que permiten albergar esperanzas de que se poida dobregar a curva de contagios pronto.
Para conseguilo, o Concello apela á responsabilidade individual e colectiva. No seu discurso, Varela non quixo esquecerse do sector hostaleiro e do comercio local, "que van sufrir as consecuencias das limitacións de horarios e de mobilidade", lamentou.
Relacionadas:
-
A covid-19 dispárase tras o Nadal na área sanitaria e provoca 60 brotes de contaxios en 10 días, a maioría familiares
Por Natalia Puga |
-
Pontevedra volve pasar dos 150 casos activos de covid-19 e Poio e Marín superan os 50
Por Redacción |
-
Subida xeneralizada de casos de covid-19 nos concellos da área sanitaria
Por Redacción |