Telmo Martín pide ser "moi escrupulosos" coas restricións para "non perder a Semana Santa"
Por Redacción
Que a economía de Sanxenxo depende enormemente do sector turístico é algo que está fóra de toda dúbida. Nese feito enmárcanse as declaracións que realizou o alcalde, Telmo Martín, tras coñecer as novas restricións aprobadas pola Xunta ante a covid-19.
Tras dous meses de peche perimetral, Sanxenxo recupera a súa mobilidade. Os 35 casos activos que están rexistrados a día de hoxe sitúan a este municipio no nivel medio-alto de alerta, no que as autoridades sanitarias han incluído este mércores á maior parte de Galicia.
Iso significa que, a partir do venres, o municipio deixará de estar pechado -xunto co Grove- en canto a entradas e saídas. A hostalería poderá abrir ata as seis da tarde cun aforo máximo do 50% nas súas terrazas e do 30% no seu interior.
O resto de medidas, o toque de queda ás 22.00 horas, o peche dos comercios ás 21:30 horas e as reunións de catro persoas como máximo (que quedan restrinxidas a conviventes desde as 18:00 horas), son as mesmas que se rexistran en toda Galicia.
Para o alcalde "é unha boa noticia" que Sanxenxo abandone o nivel máximo de alerta e recupere a súa mobilidade pero advirte que "isto hai que collelo con moita precaución" para evitar rebrotes e un novo aumento exponencial dos contaxios.
Por iso, Martín pediu aos hostaleiros e comerciantes que reabrirán as súas portas "que sexan moi rigorosos e moi escrupulosos" á hora de cumprir coas restricións aprobadas e á cidadanía "que sexan responsables" para manter esta baixa incidencia.
Dar un paso atrás neste sentido, sinalou o alcalde de Sanxenxo, "pode levarnos a perder a Semana Santa", o que ao seu xuízo prexudicaría "gravemente" a economía local.
Relacionadas:
-
Sanxenxo apela á "serenidade e responsabilidade" para superar a repunta que sitúa á vila en alerta vermella
Por Redacción |
-
O Arcebispado suspende todas as procesións e actos confrades da Semana Santa
Por Alejandro Espiño |
-
Incrementarán os controis policiais en Poio ante as novas restricións pola covid-19
Por Redacción |
-
Pontevedra vía "previsibles" as novas restricións tras as medidas adoptadas no Nadal
Por Alejandro Espiño |
-
Pontevedra pasa a ter peche perimetral individual tras dous meses e medio con Poio e Marín
Por Natalia Puga |
-
Sanidade prohibe as reunións de non conviventes a partir das 18 horas e adianta o toque de queda ás dez
Por Natalia Puga |
-
Comeza a vacinación contra a covid de 2.200 profesionais sanitarios na área de Pontevedra e O Salnés
Por Anxo Lourido | Creada e actualizada