O persoal sanitario de Pontevedra comeza este mércores a vacinarse
Por Alejandro Espiño
Os profesionais sanitarios máis expostos á covid-19 comezarán a vacinarse a partir de mañá nos tres hospitais da área sanitaria: Montecelo, o Provincial e o Hospital do Salnés, segundo confirmaron fontes de Sanidade.
En concreto, os primeiros en recibir a primeira dose de inmunización, segundo puido saber PontevedraViva, serán os traballadores dos servizos de urxencias, diálises e microbioloxía.
Están convocados para vacinarse 180 traballadores de Montecelo, 90 do Hospital Provincial e outros 90 do Hospital do Salnés.
O plan de vacinación deseñado polas autoridades sanitarias recolle que entre os colectivos nos que se priorizará a vacinación está o persoal das UCI, das plantas reservadas para pacientes covid ou os encargados de realizar as PCR.
Médicos e enfermeiras de Atención Primaria e os sanitarios destinados en especialidades como oncoloxía, hematoloxía ou medicina preventiva atópanse tamén entre os primeiros que recibirán estas inxeccións do soro.
Con respecto á vacinación nas residencias, Galicia espera iniciar ao partir do próximo domingo o proceso de inxección das segundas doses da vacina naquelas persoas que, fai case tres semanas, foron as primeiras en inmunizarse na comunidade.
Por agora, en Galicia puxéronse 30.400 doses da vacina contra a covid-19, o que significa que se empregou máis dun 80% das remesas recibidas.
Relacionadas:
-
Galicia manterá "de momento" o calendario de vacinación e descartan problemas para poñer a segunda dose
Por Natalia Puga |
-
Protesta dos celadores ao quedar fóra das vacinacións para sanitarios que traballan en primeira liña
Por Redacción |
-
VIDEO.- O Sergas empezou a administrar este domingo a segunda dose da vacina
Por Oskar Viéitez |
-
Comeza a vacinación contra a covid de 2.200 profesionais sanitarios na área de Pontevedra e O Salnés
Por Anxo Lourido | Creada e actualizada
-
A covid-19 dispárase tras o Nadal na área sanitaria e provoca 60 brotes de contaxios en 10 días, a maioría familiares
Por Natalia Puga |
-
"Enorme preocupación" en Galicia por festas e botellóns que expandiron a covid-19
Por Alejandro Espiño |
-
Investigan unha estafa a unha residencia de maiores relacionada coa vacina da covid-19
Por Natalia Puga |
-
Todos os usuarios e traballadores de centros de maiores da área sanitaria estarán vacinados en tres semanas
Por Natalia Puga |
-
María Ana, a primeira pontevedresa en vacinarse contra a covid-19: "No lo sentí para nada"
Por Natalia Puga | Creada e actualizada