O PP mobiliza unha longa caravana de coches contra a subida de impostos en Poio
Por Redacción
A manifestación de vehículos convocada polo PP de Poio na mañá deste domingo para manifestar o seu rexeitamento contra a subida de impostos aprobada no municipio logrou xuntar unha longa caravana de vehículos.
O portavoz do PP de Poio, Ángel Moldes, agradeceu á veciñanza o seu apoio, que cualifica que "éxito rotundo" e asegura que "superou todas as expectativas", coa participación de máis de 200 coches.
Segundo sosteñen os organizadores, en varios puntos do percorrido, os vehículos en manifestación chegaron a formar unha caravana de máis de 4 quilómetros.
Moldes indicou que cando a cola da manifestación aínda estaba á altura da Praza da Granxa, en Campelo, a cabeza xa estaba na rotonda da Barca e cando a cabeza da manifestación estaba en Covelo, en Samieira, aínda había coches na Pinela, na parroquia de San Xoán.
O líder do PP ve, polo tanto, un "apoio masivo" que demostra a oposición frontal da veciñanza á subida de impostos xeneralizada que "pretende impoñer o Tripartito no peor momento", e en medio da "peor crise económica e social" que se recorda.
"Queda claro que os veciños de Poio están fartos de levar anos pagando algúns dos impostos máis caros de Galicia por peores servizos", sinala Moldes, que critica que agora a veciñanza "ten que soportar" unha subida de impostos como o aumento do 10% na 'viñeta' de coches e furgonetas ou o incremento do IBI a segundas vivendas e outros inmobles.
Segundo asegura, os veciños de Poio pagan a taxa de vaos máis alta da provincia ou a recollida de lixo máis cara de Galicia e as familias de Poio "son das máis prexudicadas pola inxustiza das plusvalías.
Relacionadas:
-
Devolución das plusvalías, demanda do PP ao goberno local tras a sentenza do Tribunal Constitucional que as anula
Por Redacción |
-
O Pleno de Poio modifica a ordenanza fiscal reguladora das plusvalías
Por Redacción |
-
O goberno local asegura que a viñeta de Poio é a máis baixa da comarca
Por Redacción |
-
O Tribunal Superior de Xustiza de Galicia admite a trámite o recurso do PP de Poio contra a subida de impostos do Concello
Por Oskar Viéitez |
-
Intervención informa en contra da impugnación do PP de Poio contra as bonificacións do IBI e da viñeta
Por Oskar Viéitez |
-
A exención da taxa do lixo por cese de actividade no confinamento vai aplicarse no recibo do último bimestre de 2020
Por Redacción |
-
Poio defende as bonificacións da nova ordenanza fiscal e acusa a oposición de "contaminar"
Por Redacción |
-
O PP de Poio convoca unha manifestación con vehículos contra a subida de impostos no concello
Por Oskar Viéitez |