Unha muller de 85 anos falecida no CHOP eleva a 84 as vítimas mortais da covid-19 na área sanitaria
Por Natalia Puga
Unha muller de 85 anos converteuse este xoves na vítima mortal número 84 da pandemia da covid-19 na área sanitaria de Pontevedra e o Salnés.
Segundo os datos facilitados polo Servizo Galego de Saúde, este xoves faleceron en Galicia 5 persoas que foran diagnosticadas por coronavirus, unha dela nesta área sanitaria.
Esta muller estaba ingresada no Complexo Hospitalario Universitario de Pontevedra (CHOP) e tiña patoloxías previas á covid-19, segundo estas mesmas fontes.
A área sanitaria suma xa 84 vítimas mortais. As dúas anteriores rexistráranse o sábado 2 de xaneiro, un varón de 83 anos no Hospital do Salnés e outro de 80 anos no CHOP.
Das cinco persoas falecidas este xoves en Galicia, catro foron na provincia de Pontevedra, pois tamén se confirmou a morte de tres homes de 86, 88 e 65 anos que estaban ingresados no CHUVI de Vigo. Ademais, faleceu unha muller de 80 anos no seu domicilio do Concello de Bande, en Ourense. Todos tiñan patoloxías previas.
Relacionadas:
-
Dous novos falecidos por covid-19, dous pacientes de 69 e 77 anos ingresados en Montecelo
Por Natalia Puga |
-
Aumenta a 12 o número de pacientes covid na UCI do Hospital Montecelo
Por Redacción |
-
A covid-19 contense nos municipios con peche perimetral
Por Natalia Puga |
-
Medio cento de contaxios por Covid nunha xornada na que baixan a 735 os casos activos
Por Diego Espiño |
-
A área sanitaria de Pontevedra - O Salnés suma o seu cuarto día consecutivo con vítimas mortais por covid
Por Redacción |