Incremento nos contaxios, casos positivos e hospitalizacións por Covid en Pontevedra e O Salnés
Por Diego Espiño
Xornada negativa no balance oficial de afectados por coronavirus do Servizo Galego de Saúde na área Sanitaria de Pontevedra e O Salnés.
Segundo reflicten estes datos, a área pontevedresa sumou nas últimas horas 59 novos contaxios. Esta cifra unida a que as altas epidemiolóxicas foron 38 fixeron subir os casos activos ata os 731, o que supón 21 máis que o domingo.
Non é a única estatística que se incrementa, xa que tamén o fan as hospitalizacións con 47 pacientes ingresados (+3). Deles 8 permanecen na Unidade de Coidados Intensivos e o resto atópanse en planta no Complexo Hospitalario Universitario de Pontevedra (34) e o Hospital do Salnés (5).
En canto a realización de probas PCR, na última xornada aumentáronse lixeiramente ata as 348, que se engaden ás 116.387 efectuadas con anterioridade.
Desde o inicio da pandemia superaron a Covid 6.312 pacientes da área sanitaria, rexistrándose 83 falecementos asociados ao virus.
A nivel autonómico Galicia experimentou nas últimas horas un incremento de 173 casos activos para un total de 5.905. Só se salvan desa subida dúas áreas sanitarias, a de Vigo que acumula 1.134 casos (-39) e Santiago con 1.327 (-5). Pola súa banda A Coruña sobe ata as 1.193 infeccións activas (+59), Ourense colócase con 670 (+65), Lugo con 507 (+24) e Ferrol con 343 (+48).
Relacionadas:
-
Medio cento de contaxios por Covid nunha xornada na que baixan a 735 os casos activos
Por Diego Espiño |
-
Sobe a 11 o número de pacientes con Covid na UCI de Montecelo tras unha xornada con 44 contaxios detectados
Por Diego Espiño |
-
Datos Covid por municipios ao 3 de xaneiro: Pontevedra suma 6 casos activos máis e Vilanova pasa ao nivel laranxa de alerta
Por Diego Espiño |
-
A área sanitaria suma 23 novos contaxios de Covid pero con só 288 probas PCR realizadas
Por Diego Espiño |
-
A área sanitaria de Pontevedra - O Salnés suma o seu cuarto día consecutivo con vítimas mortais por covid
Por Redacción |
-
Unha muller de 78 anos ingresada en Montecelo e un home de 80, primeiros falecidos de 2021 por Covid na área sanitaria
Por Diego Espiño | Creada e actualizada