Unha muller de 78 anos ingresada en Montecelo e un home de 80, primeiros falecidos de 2021 por Covid na área sanitaria
Por Diego Espiño
Creada e actualizada
Creada e actualizada
A Área Sanitaria de Pontevedra e O Salnés non tardou desafortunadamente en sumar as súas primeiras vítimas por Covid do ano 2021.
Trátase en concreto dunha muller de 78 anos, que permanecía ingresada no Hospital de Montecelo que faleceu este venres 1 de xaneiro, segundo confirmou o Servizo Galego de Saúde. A ela sumouse ao longo do martes un home de 80 anos, tamén no Complexo Hospitalario Universitario de Pontevedra. Convértense desta forma no 81 e 82 falecemento respectivamente asociado ao coronavirus na área pontevedresa desde o inicio da pandemia.
Polo demais o balance correspondente ao primeiro día do ano e dado a coñecer este sábado 2 de xaneiro reflicte 44 novos contaxios por coronavirus. A pesar diso a cifra de casos activos descendeu ata os 773 (18 menos que o día anterior) ao darse a alta epidemiolóxica a 62 pacientes.
En total superaron a infección ata a data 6.188 persoas na área sanitaria.
En canto á presión hospitalaria, ao 2 de xaneiro permanecen ingresadas 50 persoas positivas en Covid nos hospitais pontevedreses. Delas 12 evolucionan na Unidade de Coidados Intensivos de Montecelo, mentres que o resto fano en planta repartidos entre o Complexo Hospitalario Universitario de Pontevedra (28) e o Hospital do Salnés (4).
Polo que respecta ás PCR, nas últimas 24 horas reduciuse considerablemente a cifra de probas realizadas, con 330 que se suman ás 115.751 efectuadas con anterioridade.
A nivel autonómico a cifra de casos activos de coronavirus é de 5.833, o que supón 56 máis que a xornada anterior.
Relacionadas:
-
Incremento nos contaxios, casos positivos e hospitalizacións por Covid en Pontevedra e O Salnés
Por Diego Espiño |
-
A área sanitaria suma 23 novos contaxios de Covid pero con só 288 probas PCR realizadas
Por Diego Espiño |
-
A área sanitaria de Pontevedra - O Salnés suma o seu cuarto día consecutivo con vítimas mortais por covid
Por Redacción |
-
Marín, Poio e Sanxenxo empezan 2021 cun aumento de casos activos de covid-19
Por Natalia Puga |
-
A área sanitaria empeza o ano con 12 pacientes críticos de covid-19, o número máis elevado da segunda ola
Por Natalia Puga |
-
A área sanitaria de Pontevedra - O Salnés suma dúas novas mortes por covid e conclúe o ano con 80 vítimas da pandemia
Por Redacción |
-
52 pacientes covid recibirán o 2021 ingresados nos hospitais da área sanitaria
Por Anxo Lourido |
-
Un home de 75 anos ingresado en Montecelo, a vítima 78 da covid-19 na área sanitaria
Por Natalia Puga |