O Concello de Pontevedra presenta aos colectivos veciñais e ao CES os orzamentos do 2021
Por Redacción
O Concello de Pontevedra iniciou este martes o proceso de participación dos orzamentos municipais do 2021 coas federacións veciñais Castelao e Teucro. Unha serie que continuou pola tarde coa reunión do Consello Económico Social, no que están representadas as entidades empresariais, sociais e políticas do municipio.
O concelleiro de Economía e Facenda, Raimundo González, acompañado pola portavoz do goberno local, Anabel Gulías, expuxeron as liñas básicas do orzamento para o próximo ano.
Explicaron que se fará un orzamento en dúas fases co obxectivo de iniciar a recuperación económica post- covid. A primeira corresponde ao documento que se lle presentaba este martes, que supera os 80 millóns de euros; e a segunda chegará sobre o mes de abril, cando se incorporen os remanentes de tesourería liquidados das contas do 2020, uns 20 millóns de euros.
Respecto diso da reunión veciñal, o Concello quedou comprometido a volver reunirse na segunda quincena de febreiro para abordar outras demandas concretas que se poderán incorporar á segunda fase do documento.
Relacionadas:
-
O goberno de Pontevedra quere aprobar no pleno deste venres un orzamento "expansivo" para 2021
Por Redacción |
-
O PP presenta unha emenda á totalidade aos orzamentos do Concello de Pontevedra
Por Oskar Viéitez |
-
Aprobado o proxecto de Orzamentos de 2021 do Concello de Pontevedra
Por Oskar Viéitez |
-
Pontevedra ten unha débeda de 94 euros por habitante
Por Oskar Viéitez |
-
BNG e PSOE pactan un orzamento "histórico" para que 2021 sexa o ano do "rebote"
Por Alejandro Espiño |