Noiteboa e o día de Nadal serán fríos pero non haberá rastro de chuvia
Por Redacción
Pontevedra amenceu este xoves cun ambiente moito máis xélido que os últimos días. Os termómetros caeron ata os 3 graos centígrados, pero polo menos sen choiva. O anticiclón permitiranos pasar Noiteboa e Nadal con bo tempo.
As choivas non regresarán ata o vindeiro domingo, segundo as previsións de Meteogalicia. Ata entón a tónica será a mesma: sol e temperaturas baixas.
Para este xoves, día de Noiteboa, haberá alternancia de ceos con nubes e claros aínda que a tendencia será a que estean despexados. As temperaturas non superarán os 12 graos, máxima que tampouco se pasará os días seguintes.
Tanto para o día de Nadal como para o sábado 26 non se esperan grandes cambios. Haberá sol e frío con temperaturas que, aínda que son normais para este período, subirán lixeiramente ata os 3 ou 4 graos de mínima, como reflicten os mapas de predición meteorolóxica.
Será a circulación de ventos do norte e do nordeste a que faga baixar as temperaturas nestes días festivos, deixando ao seu paso xeadas en gran parte da provincia.