Louzán move o banco na Deputación
Por Oskar Viéitez
A metade de mandato, tal e como se pactara, Rafael Louzán, presidente provincial do PP e da Deputación de Pontevedra, move o banco relevando tres deputados provinciais do PP por outros tres compañeiros de filas.
Renuncian o alcalde de Salvaterra, Arturo Grandal Vaqueiro; o concelleiro de Tomiño, Pablo Baquero Álvarez e o alcalde do Porriño, José Nelson Santos Argibay.
Oficializarase no Pleno do venres, 13 de setembro.
Os deputados saíntes serán relevados polo alcalde de Oia, Alejandro Rodríguez; o voceiro municipal do PP en Arbo, Horacio Gil Expósito e o alcalde de Tui, Moisés Rodríguez que tomará posesión das súas actas de deputado en pleno ordinario do 27 de setembro.
Estes relevos a metade de mandato xa se sucederon coas dúas corporacións anteriores.
BOA XESTIÿN
Por outra parte a Unión Europea (UE) premia a "boa xestión" que dos fondos Feder fai a Deputación de Pontevedra cunha achega extra á institución de 1,35 millóns.
Rafael Louzán, presidente da Deputación, anunciou que esta achega será para proxectos de creación de emprego e reactivación da economía da provincia, "asuntos que son da máxima prioridade".
Os proxectos Pousadas e Wimax están detrás deste recoñecemento, o segundo á súa xestión que fai a UE. A primeira vez foi no 2005 polo plan operativo local (POL).