Cerdedo-Cotobade prepara un plan turístico estratéxico coa Carballeira e Baños de San Xusto
Por Redacción
A contorna etnográfica e arqueolóxica da Carballeira e os Baños de San Xusto son os emprazamentos fundamentais do plan turístico estratéxico que prepara o Concello de Cerdedo-Cotobade. Trátase dun recurso turístico "de primeiro nivel que sufrirá nos próximos meses unha importante actuación" como sinalan desde a administración local.
As actuacións previstas pasan por rozas e limpezas nos perímetros dos petróglifos e emprego de sistemas de protección perimetrais dos recursos arqueolóxicos. Ademais, considérase fundamental a entrada en funcionamento do balneario lúdico dos Baños de San Xusto para 2021.
A pretensión é converter os petróglifos, a Carballeira, a canle de auga, os meandros do Lérez e o balneario dos Baños de San Xusto nun armazón de referencia patrimonial e turística non só do municipio senón do conxunto territorial que coforman as 'Terras de Pontevedra'.
"Queremos aproveitar este tempo para poñer en valor o noso inxente patrimonio e engrasar ao máximo a nosa maquinaria de promoción turística para que, no momento en que se poida, captar o máximo publico posible. Non nos podemos durmir e temos que aproveitar as oportunidades que se nos poden presentar para dinamizar o tecido económico do noso municipio", sinalaba o alcalde Jorge Cubela.
Relacionadas:
-
Cerdedo-Cotobade quere "dignificar" a entrada da carballeira de San Xusto
Por Redacción |
-
O Concello presenta o proxecto de acondicionamento paisaxístico da Carballeira de San Xusto
Por Redacción |
-
A recuperación dos Baños do San Xusto, un "soño colectivo" que xa é unha realidade
Por Alejandro Espiño & Mónica Patxot |
-
A rehabilitación dos Baños do San Xusto, xa na súa recta final, estará rematada este ano
Por Redacción |
-
Activado o protocolo de actuación ante nevadas nas estradas da provincia
Por Redacción |
-
Continúa a instalación de fibra óptica despois de rematar en Tenorio e Viascón
Por Redacción |
-
O asfaltado da pista entre Viascón e Parada, obra prioritaria en 2021
Por Redacción |