Tres falecementos no Complexo Hospitalario de Pontevedra elevan a 65 as mortes por covid na área sanitaria
Por Redacción
Tres persoas faleceron nas últimas horas no Complexo Hospitalario Universitario de Pontevedra (CHUP), vítimas do coronavirus nunha quincena na que se suceden as mortes por esta enfermidade nos hospitais de Pontevedra e O Salnés.
Segundo os datos facilitados pola Consellería de Sanidade trátase dun home de 70 anos de idade e de dúas mulleres, de 81 e 97 anos, procedentes da residencia de Vilaboa. As tres vítimas presentaban cadros clínicos nos que figuraban enfermidades previas, segundo o Servizo Galego de Saúde.
Con estas tres novas mortes, a cifra de falecementos na área sanitaria de Pontevedra e O Salnés ascende a 65. A residencia de Vilaboa continúa sendo un dos focos importantes e que máis falecementos está a provocar nas últimas semanas no CHUP. Este mesmo luns falecía outra muller, de 95 anos de idade, procedente deste centro para maiores.
Durante esta xornada do martes 8 de decembro en Galicia o número de falecidos ascende a oito persoas. Aos casos de Pontevedra súmanse unha muller de 93 anos de idade que perdía a vida no Complexo Hospitalario de Ferrol; dous homes de 74 e 93 anos, no Complexo Hospitalario de Santiago; outro home, de 93 anos, no Hospital Lucus Augusti de Lugo, que procedía da residencia de Vilalba e, por último, unha muller de 80 anos no Complexo Hospitalario de Ourense, procedente da residencia San Antonio de Beariz. En todos os casos, as vítimas contaban con patoloxías previas.
O número de falecidos en Galicia por coronavirus desde o inicio da pandemia sitúase en 1.281 persoas.
Relacionadas:
-
Outro residente de Soremay falece por coronavirus no Hospital Montecelo
Por Redacción |
-
Un home de 60 anos, novena vítima mortal da covid nos últimos cinco días en Pontevedra
Por Redacción |
-
Os casos activos de Covid baixan a 856 tras unha xornada con 38 novos positivos na área sanitaria
Por Diego Espiño |
-
Dúas mulleres, procedentes da residencia Soremay, falecen nas últimas horas en Pontevedra por covid-19
Por Redacción |
-
A área sanitaria suma 45 novos positivos por Covid pero reduce ata os 871 os seus casos activos
Por Diego Espiño |
-
Continúa a baixada paulatina de novos positivos e casos activos na maioría de municipios da área sanitaria
Por Redacción |
-
5 novos casos covid na residencia Soremay de Pontevedra, que alcanza os 61 positivos entre usuarios e persoal
Por Redacción |
-
A área sanitaria mantén 40 pacientes covid en planta e 9 na Unidade de Coidados Críticos
Por Redacción |
-
Falecen por covid-19 na área sanitaria un home procedente da Residencia Soremay e unha muller da Residencia de Vilaboa
Por Redacción |
-
Dous novos falecidos por covid-19 na área sanitaria, un procedente da residencia de Vilaboa
Por Natalia Puga |