En apenas cinco meses, o programa de compostaxe domiciliaria de Pontevedra permitiu recoller máis de 275 toneladas de residuos orgánicos a través dos contedores marróns situados nas rúas máis céntricas da cidade de Pontevedra.

Neste Plan ComPOsta, participan máis dun milleiro de establecementos comerciais e domicilios particulares da cidade que, no seu conxunto, contribuíron a que todos eses residuos orgánicos puidéronse retirar do lixo enviado diariamente a Sogama.

Co obxectivo de seguir crecendo en número de usuarios e en cantidade de residuos recollidos, o Concello de Pontevedra prevé instalar unha carpa na Praza da Peregrina, o próximo 11 de decembro, se as condicións meteorolóxicas así o permiten.

Neste punto de información, os responsables deste programa ambiental resolverán dúbidas sobre o funcionamento deste sistema e tramitarán as novas adhesións.

Ademais, os participantes nesta iniciativa poderán, previa presentación da tarxeta electrónica asociada ao seu domicilio, recoller unha bolsa co compost xerado con este labor.