Soben as hospitalizacións por Covid na área sanitaria a pesar de manterse o descenso de casos activos
Por Diego Espiño
A presión hospitalaria derivada da pandemia de coronavirus crece este luns 7 de decembro na área Sanitaria de Pontevedra e O Salnés, a pesar de manterse a tendencia á baixa nos casos activos.
Segundo os datos ofrecidos polo Servizo Galego de Saúde, son 53 as persoas positivas en Covid hospitalizadas na comarca, o que supón un incremento de dous pacientes nas últimas horas. Esa subida afecta os ingresos en planta, onde evolucionan 44 afectados repartidos entre o Complexo Hospitalario Universitario de Pontevedra (37), o Hospital QuirónSalud Miguel Domínguez (3) e o Hospital do Salnés (4).
Pola súa banda a Unidade de Coidados Intensivos (UCI) de Montecelo segue a evolución de 9 pacientes Covid, os mesmos que o día anterior.
Na última xornada detectáronse 33 novos contaxios en Pontevedra e O Salnés, o que unido ás 52 altas epidemiolóxicas que se produciron fixo descender un día máis a cifra de casos activos, que se coloca nos 971, é dicir, 19 menos.
Desde o inicio da pandemia superaron a infección 4.708 pacientes da área sanitaria, rexistrándose 60 falecementos asociados ao virus.
En canto a realización de probas PCR, nas últimas 24 horas realizáronse 657, que se engaden ás 95.971 con anterioridade.
DATOS DE GALICIA
A nivel autonómico o total de pacientes con infección activa é de 6.644, o que supón un descenso de 82 casos. Deles 352 atópanse hospitalizados en planta (+10) e 60 evolucionan na Unidade de Coidados Críticos (-4).
Nas últimas horas en Galicia confirmáronse 260 contaxios a través de probas PCR e faleceron 7 persoas, o que sitúa en 1.257 o número mortes asociadas á pandemia.
Vigo mantense a área sanitaria galega cun maior número de casos activos de Covid (1.782), seguida da Coruña (1.349), Pontevedra (971), Santiago (795), Lugo (771), Ferrol (576) e Ourense (400).
Relacionadas:
-
A área sanitaria mantén 40 pacientes covid en planta e 9 na Unidade de Coidados Críticos
Por Redacción |
-
Falecen por covid-19 na área sanitaria un home procedente da Residencia Soremay e unha muller da Residencia de Vilaboa
Por Redacción |
-
Sanidade asegura que a evolución de Pontevedra "segue sendo boa" pero pide "moita prudencia"
Por Alejandro Espiño |
-
A área sanitaria baixa do milleiro de casos activos de Covid por primeira vez desde o 30 de outubro
Por Diego Espiño |
-
A área sanitaria de Pontevedra - O Salnés alcanza xa as 60 vítimas mortais por covid-19 nunha semana negra
Por Redacción |
-
Continúan descendendo os casos activos de Covid na área sanitaria tras unha xornada con 39 novos contaxios
Por Diego Espiño |
-
A cifra de novos positivos sitúase en 26 na área sanitaria e continúan 9 pacientes covid na UCI de Montecelo
Por Redacción |
-
Unha muller de 71 anos e un home de 80 falecen en Montecelo por coronavirus
Por Redacción |