A Consellería entrega a marquesiña para instalar na estrada PO-308 en Raxó
Por Redacción
A Xunta entregou ao Concello de Poio unha marquesiña para instalar na estrada PO-308, na zona de Fonte Maior, en Raxó.
A Consellería de Infraestruturas e Mobilidade dá por cumprido así o compromiso adquirido coa asociación veciñal A Laxe, que solicitou recentemente un refuxio para a parada de autobús situada neste punto.
A Dirección Xeral de Mobilidade xa lle comunicara o 23 de outubro ao Concello de Poio a súa disposición a subministrarlle esta marquesiña.
Unha vez que a administración local lle remitiu á Xunta a documentación relativa á posta á disposición dos terreos necesarios e a acreditación do compromiso de asumir a titularidade das instalacións, faise entrega da infraestrutura.
No marco da mellora da estrada PO-308 ao seu paso polo municipio de Poio realizada pola Xunta, xa se teñen instalado sete marquesiñas nas paradas de autobús para servizo dos veciños.
Relacionadas:
-
Poio solicita á Xunta marquesiñas en Albar e Raxó
Por Redacción |
-
Estabilizan un noiro na PO-308 en Raxó para evitar desprendementos
Por Redacción |
-
A Xunta inicia as obras de estabilización dun noiro na estrada PO-308 en Raxó
Por Redacción |
-
O Concello de Poio urxe á Xunta para que instale a marquesiña en Raxó
Por Redacción |
-
A Xunta facilitará unha marquesiña para instalar en Raxó na estrada PO-308
Por Oskar Viéitez |