Pontevedra ampliará ata o 31 de xullo o período de actividade dos furanchos en situacións excepcionais
Por Redacción
A Xunta de Goberno do Concello de Pontevedra aprobou este luns a modificación do artigo 8 da ordenanza que regula a apertura dos furanchos no municipio. Esta emenda recolle que, en caso de circunstancias excepcionais, o seu período de actividade poderá ampliarse ata o 31 de xullo.
A normativa recollía que estes establecementos só poderían exercer entre o 1 de xaneiro e o 30 de xuño. Con todo, a ampliación só poderá ser aplicable de forma extraordinaria e cando concorran circunstancias excepcionais que impidan o desenvolvemento ordinario da tempada como ocorreu este 2020 coa declaración do primeiro estado de alarma.
Con esta modificación, o Concello de Pontevedra dá por atendida unha solicitude realizada pola Federación de Furancheiros, Loureiros e Viticultores de Pontevedra presentada ante a Concellería de Urbanismo.
Relacionadas:
-
O sector dos furancheiros únese e formaliza a petición para abrir en Pontevedra ata o 31 de xullo
Por Redacción |
-
O espírito do Nadal pasa de longo do Pleno de Pontevedra
Por Natalia Puga |
-
Pontevedra permitirá que os furanchos abran en xullo se hai "circunstancias excepcionais"
Por Alejandro Espiño |
-
A Xunta invita os furancheiros a solicitar nos Concellos a apertura dos seus establecementos ata o 31 de xullo
Por Redacción |