A UNED aprobará o martes a cesión dos seus xardíns ao Concello de Pontevedra
Por Redacción
A apertura dos xardíns da UNED en Monte Porreiro está máis preto. A xunta reitora da universidade prevé aprobar o próximo martes o convenio de cesión de esta zona verde que, a partir de agora, quedará nas mans do Concello de Pontevedra.
Será inicialmente una cesión por catro anos prorrogable por outros catro, segundo confirmaron os edís Tino Fernández e Iván Puentes tras a xuntanza mantida co director da UNED en Pontevedra, Víctor González.
O director amosouse convencido de que este convenio "é unha moi boa idea" que permitirá manter os xardíns, salvar algunhas árbores e plantar algunhas novas "e darlle vida a un centro que pertence ao barrio e que se ten que dar a coñecer á xente".
En base a este acordo, a UNED cede os terreos ao Concello. Este pasaría a asumir formalmente o mantemento dos xardíns e comprométese a realizar diversas obras de mellora, entre elas a creación dunha nova zona de acceso dende a rúa Italia e dunha rede de sendas de zahorra que permitirá moverse polos distintos espazos do parque.
Iván Puentes, responsable da área de Medio Natural, destacou que o parque deberá permanecer pechado ao público en horario nocturno, sendo precisamente esa unha das condicións que a UNED engadirá na redacción definitiva do convenio co Concello.
Neste encontro, os concelleiros socialistas propuxeron que a universidade a distancia colabore coa feira PonteSan e coas actividades e accións específicas que a área de Saúde pretende poñer en marcha na loita contra o alzhéimer, o párkinson ou as ludopatías.
Segundo Tino Fernández, o goberno municipal quere buscar sinerxías co maior campus de Europa para celebrar cursos, obradoiros, charlas informativas e encontros virtuais.
O director da UNED celebrou esta proposta e salientou as amplas posibilidades de espazo físico e virtual das que dispón un centro asociado que conta cuns 4.400 alumnos inscritos no ensino regrado e uns 6.800 a través da área de extensión universitaria.
Relacionadas:
-
Pídenlle ao Concello recuperar os xardíns da Delegación de Sanidade
Por Redacción |
-
Os xardíns da Uned estarán en mans do Concello a partir da vindeira semana
Por Redacción |
-
Arromban a Escola Taller de Monte Porreiro tras anos de abandono
Por Redacción |
-
A UNED Pontevedra terá un orzamento de 2,3 millóns de euros
Por Redacción |
-
Últimos trámites para que os xardíns da Uned conten cunha nova entrada e estean abertos á veciñanza
Por Redacción |
-
O goberno municipal solicita formalmente á UNED a cesión dos seus xardíns
Por Redacción |
-
Tallan acacias que xeraban situacións de perigo nos xardíns da UNED
Por Redacción |