APE Galicia e Hoempo suman esforzos para apoiar á hostalería e xa prevén moitos peches
Por Redacción
A Asociación Intersectorial e Interterritorial de Autónomos e Pequenas Empresas de Galicia (APE Galicia) e a Asociación de Hosteleros de Pontevedra, Poio y Marín (Hoempo) acaban de tecer unha alianza coa que buscan sumar esforzos para apoiar ao sector da hostalería, un dos máis castigados pola crise da covid-19.
A secretaria Hoempo, Elena Vitoria, e o presidente de APE Galicia, José Ramón Caldas, asinaron este xoves un convenio de colaboración do que Sonia Acuña, secretaria técnica de APE, destaca que pretenden acadar que os hostaleiros teñan o respaldo e o crédito que necesitan para seguir medrando na súa labor.
Elena Vitoria advertiu xa de que a crise sanitaria xurdida polo coronavirus non vai mellorar nos próximos meses, polo que se espera que a hostalería viva "unha situación moi delicada" a nivel emocional e económico.
Esta representante de Hoempo prevé o peche de moitos establecementos e un alto endebedamento e apoian iniciativas coma este convenio para facer todo o que teñan nas súas mans para paliar os efectos negativos da crise e buscar alternativas e apoios nas institucións públicas.
Relacionadas:
-
A Xunta planea unha desescalada por fases para a hostalería que empezaría con aforos reducidos e apertura ata as 17 horas
Por Manu Otero |
-
Berro desconsolado de auxilio da hostalería en Pontevedra: "Estamos mortos"
Por Manu Otero & Mónica Patxot |
-
A Xunta estima en máis de 5,8 millóns de euros as axudas que percibirán os 900 hostaleiros de Pontevedra, Marín e Poio
Por Oskar Viéitez |
-
VÍDEO.- Rogo desesperado da hostalería para reclamar a exención de taxas municipais
Por Redacción |
-
Centos de hostaleiros de Pontevedra, Marín e Poio berran "basta"
Por Manu Otero & Mónica Patxot |
-
RADIO.- Elena Vitoria: "A hostalería é un apoio ao resto do comercio e empresas dunha cidade"
Por Marisa Ciordia |