A Xunta estima en máis de 5,8 millóns de euros as axudas que percibirán os 900 hostaleiros de Pontevedra, Marín e Poio
Por Oskar Viéitez
A delegada territorial da Xunta de Galicia en Pontevedra, Luisa Piñeiro, revelou este martes, nunha dobre xuntanza mantida cos representantes da Asociación de Hostalería (Hoempo) e da Plataforma de Afectados pola Covid (PAC), que as axudas do goberno autonómico aos 900 hostaleiros dados de alta nos municipios de Pontevedra, Marín e Poio oscilarán globalmente entre os 5,8 e os 8 millóns de euros.
Así, a representante autonómica, acompañada polo subdirector xeral de Emprego, Juan Lirón, explicou o Plan de Rescate para Autónomos da Xunta, que conta con tres liñas de axudas en dúas ordes, unha das cales xa ten aberta a solicitude e a outra está pendente de publicación no DOG.
A Xunta outorgará unha contía fixa de entre 6.700 e 9.200 euros a cada autónomo que tivera que pechar o seu local, aínda que manteña o servizo a domicilio ou para recoller, nos case 70 concellos con restriccións para frear a transmisión da covid-19.
Luisa Piñeiro enumerou e detallou todos os requisitos para acceder a estas compensacións, que ademais "foron axilizados ao máximo cunha sinxela tramitación para que as primeiras poidan cobrarse dende o próximo mes de decembro". E tamén quixo destacar a "sensibilidade" da Xunta, xa que subíu a contía inicial noutros 5 millóns de euros tras reunirse cos hostaleiros para atender as súas demandas de máis recursos.
A delegada territorial, que recibíu o agradecemento do sector polas reunións, amosoulles a súa comprensión e a de todo o goberno galego polas dificultades actuais, pero quixo deixar claro que todas as decisións e restriccións "adoptáronse con tristeza por eles, pero coa máxima das responsabilidades para protexer a saúde dos cidadáns, preservar a sanidade pública e conter a transmisión do coronavirus".
Finalmente, Luisa Piñeiro recalcou que as compensacións e axudas que vai outorgar a Xunta aos autónomos en xeral e ao sector hostaleiro en particular a través do Plan Autonómico de Rescate son "moi importantes e só hai que ver as cifras millonarias das que estamos a falar para unha bisbarra como a de Pontevedra".
En todo caso, instou ás demais administracións, nomeadamente o Goberno de España e a Deputación de Pontevedra, que se sumen e tamén concedan axudas "xa que trátase dun problema global que afecta a todos e sobre o que todos temos responsabilidades".
Relacionadas:
-
Berro desconsolado de auxilio da hostalería en Pontevedra: "Estamos mortos"
Por Manu Otero & Mónica Patxot |
-
Marín pechará o ano sen débedas bancarias e con algo máis de 2,5 millóns de remanentes para gastos
Por Redacción |
-
APE Galicia e Hoempo suman esforzos para apoiar á hostalería e xa prevén moitos peches
Por Redacción |
-
A Xunta supervisa obras de rehabilitación enerxética e modernización en dous centros educativos de Marín
Por Redacción |
-
O PP propón á Deputación que poña en marcha unha plataforma de venta online para o pequeno comercio
Por Oskar Viéitez & Mónica Patxot |
-
RADIO.- "Queremos que as Administracións estean á altura das circunstancias e da cidadanía"
Por Marisa Ciordia |
-
VÍDEO.- Rogo desesperado da hostalería para reclamar a exención de taxas municipais
Por Redacción |
-
Queda formalmente constituída a PAC para aglutinar a "calquera cuxa actividade se viu truncada polo covid"
Por Redacción |
-
Os autónomos poderán solicitar a partir de mañá axudas de ata 2.000 euros
Por Redacción |