![](/web/cache/scene/uploads/fotos/foto/709/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/5fbd174ce3-20201124-patxot-maica-larriba-pancarta-25n-subdelegacion-2560.jpg)
© Mónica Patxot
Unha xincana polo centro da cidade para dar a coñecer a nova ordenanza de mobilidade
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/57e/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5fbd1771e7-20201124-patxot-maica-larriba-pancarta-25n-subdelegacion-2582.jpg)
© Mónica Patxot
![](/web/cache/scene/uploads/fotos/foto/826/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5fbd17620c-20201124-patxot-maica-larriba-pancarta-25n-subdelegacion-2573.jpg)
© Mónica Patxot
A Concellería de Mobilidade do Concello de Pontevedra ten en funcionamento unha nova páxina web na que se recollen as instrucións, percorridos e formularios de inscrición para participar nunha yincana prevista para o sábado 28 de novembro que ten como obxectivo dar a coñecer a nova ordenanza de mobilidade da capital.
A saída está prevista para as 16 horas, a participación é gratuíta e haberá agasallos para todos os asistentes. O único requisito é formalizar a inscrición a través da web https://www.pontevedra.gal/mobilidade/xincana/ ou en calquera tenda de bicicletas da cidade. Un trámite necesario para levar o control de participantes e realizar saídas graduadas, algo ao que obriga o protocolo covid da proba e as directrices da Xunta para este tipo de actividades.
Calquera persoa poderá participar facendo uso do seu patinete ou bicicleta, a pé ou de forma mixta. O coche é o único medio de transporte persoal non autorizado. Os participantes poden completar calquera dos tres percorridos propostos pola organización, ou mesmo os tres. Cada itinerario ten marcado un punto de saída e chegada en que se poderán recoller os chalecos que identificarán a cada un dos participantes.
Doutra banda, o concelleiro de Mobilidade, Demetrio Gómez, mantivo un encontro con responsables de empresas e asociacións relacionadas co mundo do skate en Pontevedra para transmitirlle as novidades desta normativa e como afectan o seu colectivo. Na reunión participaron representantes da Escola de skate Urban Culture Factory, Mission Surf Shop, Playgroundstore e Fernando Ezequiel ( skater e monitor). Acompañaron a Gómez o director xeral de Seguridade, Daniel Macenlle; e o xefe da Policía Local, José Manuel Duarte.