Centros de saúde de Pontevedra, Vilagarcía, Vilanova, Sanxenxo, Cambados e Bueu xa realizan test de antíxenos
Por Redacción
Desde o inicio desta semana ata sete centros de Atención Primaria da área Sanitaria de Pontevedra e Salnés realizan test rápidos de antígenos. En Pontevedra corresponde ao Ambulatorio Virxe Peregrina e o Centro de Saúde da Parda, no Centro de Saúde San Roque de Vilagarcía, en Vilanova, Cambados, Bueu e no Centro de Saúde de Baltar, en Sanxenxo.
A previsión que ten o Sergas é ampliar a realización destas probas aos restantes 44 centros de Atención Primaria existentes na área de Pontevedra e Salnés, entre o que queda de mes de novembro e a primeira semana de decembro.
Estas probas rápidas de detección de antígenos considéranse fundamentais para axilizar a confirmación de sospeita diagnóstica en casos clínicos de infección respiratoria. O seu uso é especialmente relevante en persoas sintomáticas de menos de cinco días de evolución. O procedemento é sinxelo, mediante pequenos kits que conteñen todo o material necesario para facer unha proba individual.
A súa principal vantaxe é a obtención dun diagnóstico rápido, xa que os resultados poden estar dispoñibles nun intervalo de quince a vinte minutos. Segundo sinala o Servizo Galego de Saúde "recentemente desenvolvéronse novos kits que presentan uns bos resultados de sensibilidade analítica en pacientes sintomáticos con menos de sete días de evolución".
Relacionadas:
-
O xerente do Sergas supervisa as melloras implantadas no centro de saúde de Cambados
Por Redacción |
-
Arranxadas as filtracións da cuberta do centro de saúde de Baltar
Por Redacción |
-
Baixada de casos confirmados por PCR nas últimas horas: 48 positivos en 660 probas realizadas na área sanitaria
Por Redacción |
-
Asobal facilitará test rápidos de antíxeno aos equipos da liga
Por Redacción |
-
Preventiva do Hospital recomenda a unha enfermeira que ignore o seu positivo no test rápido e que siga atendendo pacientes de Oncoloxía
Por Anxo Lourido |
-
Advirten sobre a "falsa sensación de seguridade" que crean os test covid-19 nas farmacias
Por Redacción |
-
Os test rápidos do "Covid-Auto" trasládanse ao exterior do Hospital Provincial
Por Redacción |