Tímido descenso dos casos activos por covid-19 na práctica totalidade da área sanitaria
Por Alejandro Espiño
As restricións aplicadas en gran parte da área sanitaria de Pontevedra e O Salnés parece que empezan a dar os seus froitos. Na práctica totalidade dos seus municipios, especialmente os máis afectados, descende a incidencia da covid-19, aínda que sexa de maneira aínda tímida.
Volven ser seis, iso si, os concellos con nivel de alerta 3 (vermello), tras o regreso de Vilagarcía a esta lista apenas 24 horas despois de saír dela. Súmase aos que xa estaban nesta máxima alerta: Pontevedra, Marín, Poio, Sanxenxo e Cambados.
Pontevedra, evidentemente pola súa maior poboación, segue sendo o municipio con máis casos activos. Os datos achegados por Sanidade este luns identifican 350 persoas con covid-19, catro menos que este domingo
En Marín, pola súa banda, o goberno municipal traslada a existencia de 96 casos activos, un menos que onte. É a mesma redución que se rexistra en Poio, que ten 66 contaxiados. En Cambados, polo contrario, hai dous casos máis ata un total de 65. E tres máis detectáronse en Sanxenxo, que ten 76 casos activos.
Outros tres municipios, O Grove, Ribadumia e Meis, están no nivel de alerta 2 (laranxa), do que saen Soutomaior (39 casos, un máis) e Caldas de Reis.
Ambos pasan agora ao nivel de alerta 1 (amarelo), onde se manteñen Cuntis, Meaño, Bueu e Vilanova de Arousa (26 casos activos, tres máis) e ao que sobe de novo Cerdedo-Cotobade.
O nivel de alerta 0 (verde) está activo na Illa de Arousa, Vilaboa e A Lama, onde se reduciu a incidencia desde onte, así como en Ponte Caldelas, Barro, Portas, Campo Lameiro e Moraña. En todos eles detectáronse menos de sete contaxios na última semana.
Relacionadas:
-
Os casos activos por covid-19 volven a repuntar nos municipios máis afectados
Por Alejandro Espiño |
-
Sesenta e oito novos contaxios manteñen a Pontevedra só por detrás de Vigo e A Coruña en incidencia da covid-19
Por Alejandro Espiño |
-
Ponte Caldelas leva a compra, medicamentos e libros da biblioteca a veciños en corentena
Por Redacción |
-
Poio non descarta tomar novas medidas pola evolución da pandemia
Por Oskar Viéitez |
-
Nove pacientes están na UCI nunha área sanitaria que reduce a 1.233 os casos activos
Por Alejandro Espiño |
-
Quinta morte por covid-19 na residencia de Ribadumia, a número 43 en toda a área sanitaria
Por Redacción |
-
Vilagarcía abandona a 'zona vermella' de covid-19 por primeira vez en catro semanas
Por Alejandro Espiño |