A covid-19 dá un respiro a Pontevedra e Vilagarcía, pero continúa disparada en Sanxenxo
Por Alejandro Espiño
Oito seguen sendo, unha xornada máis, os municipios da área sanitaria de Pontevedra e O Salnés que se manteñen no nivel de alerta 3 (vermello) pola incidencia da pandemia da covid-19, segundo reflicte o 'semáforo' do Servizo Galego de Saúde.
Iso si, os casos activos por coronavirus comezaron a baixar. Nalgúns casos, como Pontevedra, de maneira notable. A cidade ten actualmente a 362 habitantes coa infección activa. Son sete menos que onte martes.
Marín e Poio tamén rexistran un descenso da incidencia, aínda que en caso algo máis tímido. Un total de 100 persoas, unha menos que onte, están contaxiadas en Marín, mentres que en Poio os casos activos situáronse en 61, dous menos nas últimas 24 horas.
Outros sete casos menos hai en Vilagarcía de Arousa, onde os casos activos son 82. Todo o contrario que Sanxenxo que, un día máis, experimenta un forte aumento dos casos activos. Alí hai 64 persoas contaxiadas, seis máis que onte.
O Grove, Ribadumia e Soutomaior son os outros tres municipios en máxima alerta.
No nivel de alerta 2 (laranxa) están, pola súa banda, os concellos de Cambados, Caldas de Reis e Bueu.
En Cambados, segundo informa o goberno municipal, os casos activos son 62, os mesmos que na xornada anterior.
Cuntis, Meis, Ponte Caldelas e A Lama teñen activo o nivel de alerta 1 (amarelo).
O nivel de alerta 0 (verde) mantense en Barro, Meaño, Portas, Vilanova de Arousa (22 casos en total), A Illa de Arousa, Cerdedo-Cotobade, Campo Lameiro, Vilaboa e Moraña. En todos eles detectáronse menos de sete contaxios na última semana.
Relacionadas:
-
Falece no Hospital do Salnés unha terceira paciente con covid-19 da residencia de Ribadumia
Por Alejandro Espiño |
-
A covid-19 estabilízase na área salvo en Sanxenxo, Poio e Cambados, onde crecen os contaxiados
Por Alejandro Espiño |
-
Deciden controlar a temperatura no acceso a edificios municipais de Poio ante o ascenso de casos positivos
Por Redacción |
-
Volven subir os casos activos de covid na Área Sanitaria
Por Oskar Viéitez |
-
A pandemia deixa xa 40 vítimas na área sanitaria tras falecer unha usuaria da residencia de Ribadumia de 91 anos
Por Natalia Puga |
-
Sanidade mantén oito municipios da área sanitaria en alerta vermella: Cambados rebaixa a preocupación e súmase á lista Soutomaior
Por Redacción |