Volven subir os casos activos de covid na Área Sanitaria
Por Oskar Viéitez
Volven subir os casos activos de covid na área Sanitaria de Pontevedra O Salnés, este mércores son 63 contaxiados máis. O número total de casos é de 1.263, o que supón 16 máis que onte martes debido a que tamén se deron 47 altas.
Segundo os datos oficiais facilitados polo Sergas este mércores 11 de novembro a área Sanitaria de Pontevedra-O Salnés mantén 81 pacientes covid ingresados en planta de hospitalización.
No Complexo Hospitalario Universitario de Pontevedra están ingresados 60 pacientes, 1 no QuirónSalud Miguel Domínguez e 20 no Hospital do Salnés, Ademais hai 5 pacientes covid na unidade de Coidados Críticos do Hospital Montecelo.
Así mesmo, permanecen 1.177 casos de coronavirus evolucionando en domicilio.
Desde o inicio do plan de continxencia do covid-19 curáronse 2.936 pacientes e faleceron por este virus na área sanitaria 40 pacientes. A última vítima mortal rexistrouse este martes no Hospital do Salnés, unha muller de 91 anos que procedía da residencia DomusVi de Ribadumia.
En canto a realización de probas PCR, nas últimas 24 horas fixéronse 802, que se engaden ás 74.198 xa efectuadas desde o inicio da pandemia na área sanitaria de Pontevedra-O Salnés.
GALICIA
A Dirección Xeral de Saúde Pública da Consellería de Sanidade informa que na última actualización, o número de casos activos de coronavirus en Galicia é de 9.869 deles 1.921 son da área da Coruña, 1.129 da de Lugo, 929 da de Ourense, 1.263 da de Pontevedra, 2.463 da área de Vigo, 1.186 da de Santiago, e 978 da de Ferrol.
Do total de pacientes positivos, 95 están en UCI, 516 en unidades de hospitalización e 9.258 no domicilio. Polo de agora, en Galicia hai un total de 32.161 persoas curadas, rexistrándose 1.024 falecementos.
O número de PCR realizadas é de 764.216.