O PSOE despide á cuntiense Josefina Villaverde, a súa afiliada máis lonxeva con 110 anos
Por Oskar Viéitez
Cuntis despide este domingo á súa veciña máis lonxeva, Josefina Villaverde Fontenla, que acaba de falecer no lugar de Laxos aos 110 anos. Ela era ademais a avoa de Galicia e a afiliada de máis idade do Partido Socialista en España co que chegou a formar parte da candidatura ás eleccións locais cando xa era centenaria.
"Nacín no ano 9. Nacín socialista e, se morro, morrerei socialista", dicía Josefina.
Os seus compañeiros do PSOE despídense hoxe dela lembrando que era unha "muller das que deixan pegada. Loitadora, libre, comprometida e adiantada aos seus tempos".
Os seus pais foron José Villaverde Lafuente e Marcelina Fontenla Romero. O seu pai morreu aos 40 anos. Tivo seis irmáns: Severino, Daniel, José, Manuel, Ramona e Mercedes. Todos os seus familiares finalmente mudáronse fóra de Cuntis, algúns deles establecéronse en Arxentina. Desde moi pequena empezou a muxir as vacas e logo a vender o leite.
Josefina tivo un fillo aos 18 anos. "Puiden casar, pero non quixen", contaba. Serviu en Pontevedra nunha casa nun traballo polo que non lle pagaban.
Vivía na casa onde naceu o 19 de novembro de 1909.
Entre as continuas mostras de condolencia, destaca a do propio presidente do Goberno, Pedro Sánchez, que a través dunha mensaxe en Twitter destacou que Josefina era unha muller "valiente, vital e comprometida" cos valores do PSOE. "Botarémola de menos", engadiu.
Relacionadas:
-
Os 101 anos de Ramona Espiño en Cuntis
Por Redacción |
-
Cuntis felicita a Clementina Fernández polo seu 104 aniversario
Por Redacción |
-
Cuntis celebra os 110 anos de vida da súa veciña máis lonxeva
Por Redacción |
-
Josefina Villaverde, 109 anos e como unha rosa
Por Redacción |
-
Josefina Villaverde naceu en 1909 e hoxe está de aniversario
Por Oskar Viéitez |
-
Josefina, a militante do PSOE de maior idade en Galicia: "Nacín socialista e, se morro, morirei socialista"
Por Redacción |