Deteñen un dos dous mozos buscados por agredir e atropelar un carteiro de Sanxenxo
Por Natalia Puga
A Garda Civil de Sanxenxo detivo este martes un dos dous mozos buscados por presuntamente ter dado unha malleira e atropelado a un carteiro en Sanxenxo a primeira hora da mañá do venres. Trátase do veciño de Marín P.B.G.
O mozo presentouse voluntariamente no cuartel da Garda Civil de Sanxenxo ao longo da mañá, explicou a súa vinculación cos feitos e os axentes procederon á súa detención como presunto autor dun delito de lesións dolosas, segundo informou a Garda Civil.
Tras lerlle os seus dereitos, tomáronlle declaración e foi posto en liberdade coa obriga de comparecer ante o Xulgado de Instrucción número 1 de Cambados, que instrúe as dilixencias, cando lle chame para para ampliar as informacións sobre o suceso.
Ademais, a Garda Civil xa ten datos do segundo suposto agresor e están a realizar xestións para poder localizalo e detelo nas próximas horas ou días.
A agresión que se lles atribúe produciuse sobre as 8.35 horas do venres 30 de agosto na rúa Ramón Cabanillas de Sanxenxo e a suposta vítima é un funcionario de Correos veciño de Vilalonga de 43 anos que responde ás iniciais L.P.G..
A suposta vítima permanece ingresado no Hospital Domínguez de Pontevedra recuperándose das lesións graves sufridas, entre elas varias fracturas e policontusións, e pendiente de ser invertido quirúrxicamente.
Segundo transcendeu, o carteiro chamou a atención a un grupo de mozos que pola súa actitude supostamente vandálica. Tras este toque de atención, entrou na oficina de Correos e, cando saíu, os mozos estaban alí e iniciouse unha discusión que rematou con dous mozos supostamente dando unha brutal malleira ao seu opoñente. A continuación, subiron nun vehículo, atropelárono e fuxiron.