Feijóo anuncia o peche das actividades "que non sexan esenciais" en practicamente toda a comarca
Por Diego Espiño
As restricións vanse endurecer de maneira importante na comarca de Pontevedra e en boa parte da comunidade a partir das 15.00 horas do próximo venres 6 de novembro.
Así o anunciou este mércores o presidente da Xunta de Galicia, Alberto Núñez Feijóo, nunha comparecencia tras concluír a segunda reunión en dous días do comité clínico que analiza a situación da pandemia de Covid na rexión.
En concreto, Feijóo anunciou que "se restrinxen todas aquelas actividades que non sexan esenciais" en 60 municipios galegos, o 60% da poboación, entre os que se atopan Pontevedra, Vilaboa, Ponte Caldelas, Poio, Marín, Barro, Campo Lameiro, Cerdedo-Cotobade e Soutomaior como zona perimetral única, pero tamén no Grove, Cambados, Vilagarcía e Vilanova de Arousa por estar estes últimos nunha taxa ascendente de contaxios superior aos 200 casos por cada 100.000 habitantes.
Isto supoñerá na práctica o peche da hostalería "agás os servizos a domicilo e recollida", estender ás novas zonas afectadas o peche perimetral, a limitación de reunión só a convivientes e outras medidas como restrinxir a práctica deportiva non federada a exercicios individuais, segundo avanzou o presidente autonómico sinalando que se está redactando o decreto que especificará con maior detalle as afeccións.
A mobilidade permitirase entre os municipios incluídos nas mesmas áreas ou en igual situación epidemiolóxica, ademais de por as excepcións xa coñecidas ante causas debidamente xustificadas..
Si se poderá manter a actividade en comercios e establecementos culturais aínda que con restricións.
"Sería máis fácil intentar un segundo confinamento pero é importante entre todos intentar evitalo porque tería consecuencias dramáticas", xustificou Núñez Feijóo ao explicar a decisión tomada polo goberno autonómico, baseada no modelo adoptado no Carballiño e a comarca ourensá e que "permitiu reducir a incidencia a máis da metade".
"As decisións que tomamos hoxe son para intentar evitar un confinamento domiciliario, ademáis de rebaixar a tensión hospitalaria", completou o dirixente galego.
Estas medidas entrarán en vigor o vindeiro venres ás 15.00 horas cunha duración en principio dun mes.
Relacionadas:
-
Así foi o primeiro día de peche de bares e restaurantes
Por Cristina Saiz |
-
Suspendido o ciclo de teatro afeccionado que se iniciaba este sábado na Sociedade Cultural de Mourente
Por Redacción |
-
Feijóo anuncia axudas de entre 2.200 e 7.000 euros para a hostalería afectada polo peche
Por Natalia Puga & Alejandro Espiño |
-
Carmela Silva: "Imos cerrar bares e restaurantes, pero os prostíbulos seguen abertos. Hai que pechar os prostíbulos"
Por Mónica Patxot & Anxo Lourido |
-
Cubela xunta aos voceiros da oposición e amosa a súa preocupación pola hostaleria coas novas restricións
Por Redacción |
-
As novas restricións rebaixan aínda máis o aforo de eventos deportivos: máximo 150 espectadores con condicións
Por Diego Espiño |
-
Poio abandona o nivel de alerta 3 e cae tamén a incidencia en Cerdedo-Cotobade, Bueu, Caldas e Vilanova
Por Alejandro Espiño |
-
A hostalería pontevedresa só aceptará un peche á alemá
Por Manu Otero |
-
Que poderei facer e que terei prohibido desde o venres polas novas restricións da covid-19?
Por Alejandro Espiño |
-
Galicia mantén o peche perimetral das súas cidades e as reunións só de convivintes
Por Alejandro Espiño |
-
O Goberno insta ás comunidades a adoptar medidas "contundentes" para evitar confinamentos
Por Alejandro Espiño |
-
Se vives en Pontevedra, Poio ou Marín, estas son as razóns polas que podes saír do municipio ou facer reunións entre non conviventes
Por Manu Otero |
-
Sanidade 'confina' Pontevedra, Marín e Poio e limita as xuntanzas só aos conviventes
Por Alejandro Espiño |