O campo de fútbol de Marcón repetirá como circuito de Agility
Por Redacción
Os cans máis áxiles do noroeste da península volverán exhibir as súas habilidades no campo de fútbol de Marcón os días 14 e 15 de novembro nunha nova proba de Agility puntuable para o campionato de España desta especialidade.
Despois do éxito do evento celebrado no mesmo escenario os días 17 e 18 de outubro, o Club Agility Patas e a Sociedade Canina Galega volverán organizar esta competición co apoio da Concellería de Promoción Económica.
A proba de Agility terá como xuíz principal a Juan Antonio Lazó e dará comezo ás 16 horas do sábado con dúas mangas de Agility e unha de Jumping. Ao día seguinte, en quenda de mañá volverá repetir o mesmo programa.
O prazo de inscrición manterase aberto ata as 13 horas do 11 de novembro cun máximo de 100 cans, entre os que se espera contar coa presenza dalgúns campións nacionais.
Relacionadas:
-
RADIO.- Podcans convida a un técnico en equitación para falar de cabalos
Por Redacción |
-
Os cans máis 'áxiles' do noroeste ibérico miden a súa destreza en Marcón
Por Redacción |
-
O campo de fútbol de Marcón acollerá unha proba do campionato de España de Agility
Por Redacción |
-
80 cans competirán nunha proba de agility no Recinto Feiral
Por Oskar Viéitez |