As toalliñas húmidas atascan a rede de saneamento de Marín
Por Redacción
Xa leva sendo advertido desde hai anos: as toalliñas húmidas supoñen un importante perigo medio ambiental e de xestión do saneamento, dado que non se degradan e producen importantes atascos nas redes.
Este mesmo luns, técnicos municipais referiron a existencia deste problema na EBAR da Goleta, recentemente renovada, e cuxo cestón de retención de sólidos apareceu totalmente atascado pola acumulación destes residuos, ademais doutros que tamén se desbotan de xeito irresponsable polo inodoro, como compresas ou tampóns.
Desde o Concello apelan á responsabilidade da cidadanía para evitar os importantes estragos que causan este tipo de produtos, que xa están afectando a sistemas tan novos e modernos como os que hai na EBAR da Goleta.
De feito, inciden en que é responsabilidade de todos porque estes atascos non só producen avarías, senón que deterioran os equipos de saneamento e encarecen a prestación do servizo.
Relacionadas:
-
VÍDEO.- Desesperación do servizo de limpeza de sumidoiros da Illa de Arousa polos atascos provocados por toalliñas
Por Redacción |
-
Acometen unha limpeza preventiva da rede de saneamento de Doutor Tourón para evitar novas obturacións
Por Redacción |
-
Reparan a avaría no saneamento de Caños de Moledo en Ardán
Por Redacción |
-
A rede de sumidoiros do Grove, colapsada por toalliñas húmidas e deterxentes
Por Redacción |
-
As toalliñas húmidas lanzadas no inodoro provocan graves verteduras de augas fecais en Cuntis
Por Redacción |