Seis novos positivos en residencias da área sanitaria, en Ribadumia, Cambados e Pontevedra
Por Natalia Puga
A incidencia da covid-19 creceu nas residencias e centros de maiores da área sanitaria de Pontevedra e O Salnés. Nas últimas 24 horas rexistráronse seis novos positivos que elevan a 13 o total de casos activos.
Segundo o balance oficial facilitado polo Servizo Galego de Saúde, entre os 23 novos positivos detectados na última xornada entre usuarios e traballadores de centros residenciais hai tres traballadores da residencia de maiores Nosa Señora Valvanera de Cambados, un traballador da residencia de maiores Saraiva Sénior de Pontrevedra e dous traballadores de DomusVi de Ribadumia.
En total, hai na área sanitaria, a maiores destes seis relatados, un máis en Nosa Señora Valvanera de Cambados (4 en total), dous traballadores na nosa Señora das Dores de Forcarei, un na residencia de Campolongo de Pontevedra, un na residencia Soremay de Pontevedra e un na Divina Pastora de Vilagarcía.
Os datos recollidos no balance oficial non contabilizan ningún usuario de residencias na área sanitaria de Pontevedra e O Salnés este luns.
En todo Galicia hai 284 usuarios e 181 profesionais contaxiados e faleceron ata o de agora 168 persoas en residencias e 210 en hospitais e residencias integradas.
Relacionadas:
-
Quince novos contaxios agravan a situación das residencias de Cambados e Ribadumia
Por Redacción |
-
A residencia DomusVi de Ribadumia suma xa 32 contaxios de covid-19: oito traballadores e 24 usuarios
Por Redacción |
-
A residencia de maiores de Ribadumia, intervida tras 25 contaxios da covid-19
Por Redacción |
-
60 novos contaxios de Covid no inicio de semana na área sanitaria, con 683 casos activos
Por Diego Espiño |