Unha muller de 85 anos, positivo por Covid, falece no Complexo Hospitalario de Pontevedra
Por Redacción
Mala xornada a vivida este domingo 25 de outubro nos hospitais galegos en relación cos pacientes afectados de Covid-19.
Segundo informou a última hora da tarde a Consellería de Sanidade, nas últimas horas faleceron oito persoas en Galicia diagnosticadas de coronavirus.
Unha delas, unha muller de 85 anos, atopábase ingresada no Complexo Hospitalario Universitario de Pontevedra, converténdose no falecemento número 28 asociado ao virus na área Sanitaria de Pontevedra e O Salnés desde o inicio da pandemia.
Ademais Sanidade informa dos falecementos de cinco homes no Complexo Hospitalario de Ourense, dous deles de 86 anos procedentes de residencias de maiores e o resto de 67, 94 e 78 anos respectivamente.
Por outra banda en centros residenciais morreron un home de 87 anos na Residencia Os Gozos e outro de 75 anos na Domus VI de Oleiros.
Segundo a consellería, todos os falecidos presentaban patoloxía previas.
Relacionadas:
-
Dous ingresos na UCI e 67 novos contaxios en área sanitaria, que volve superar a barreira dos 700 casos activos
Por Diego Espiño |
-
Reforzan a vixilancia policial sobre o cumprimento das restricións pola covid-19
Por Alejandro Espiño |
-
60 novos contaxios de Covid no inicio de semana na área sanitaria, con 683 casos activos
Por Diego Espiño |
-
Pontevedra notifica 10 casos activos máis de Covid, Marín sobe en 3 casos e Poio mantense sen cambios
Por Redacción |
-
O ritmo de contaxios por Covid non decae na área sanitaria, con 53 novos positivos e 639 casos activos
Por Diego Espiño |
-
O Sergas anuncia a reapertura da planta de oncoloxía pechada polo gromo de Covid no Hospital Provincial
Por Redacción |
-
Os hospitalizados por Covid dispáranse ata os 50 na área sanitaria nunha xornada con 49 novos contaxios
Por Diego Espiño |