O PP critica o "abandono" de Chancelas
Por Oskar Viéitez
Os concelleiros do PP de Poio trasladaron ao Goberno local as queixas dos veciños de Chancelas polo mal estado da zona e pediron ao goberno local "que resolva o abandono ao que está sometido esta veciñanza de Combarro".
O portavoz popular, Ángel Moldes, xunto ao concelleiro Tucho Muíños, percorreu o núcleo acompañado de varios veciños e comprobou "o estado lamentable de múltiples viais, así como o abandono do parque infantil e o mal estado da maioría de contedores de lixo, o que unido á mala frecuencia da recollida fai que se repitan escenas de malos cheiros, contedores desbordando lixo ou desperdicios polo chan e mesmo, segundo denuncian moitos veciños, a presenza de ratas e outros problemas de hixiene".
Por ese motivo os populares trasladaron diante da Comisión de Urbanismo varios rogos pedindo que solucionen estas situacións.