A área sanitaria de Pontevedra suma 38 novos contaxios e roza de novo os 500 casos activos por covid-19
Por Alejandro Espiño
A área sanitaria de Pontevedra e O Salnés sumou 38 novos contaxios por covid-19 nas últimas 24 horas. A incidencia da pandemia volve crecer de forma notable e os casos activos por coronavirus son xa 475, dezaoito máis que onte, segundo o Servizo Galego de Saúde.
Un novo paciente hospitalizado eleva ademais a 22 os positivos que reciben asistencia sanitaria nalgún dos centros hospitalarios da área. Catro deles están están ingresados na unidade de coidados críticos (UCI) de Montecelo.
Os outros dezaoito están a ser atendidos en planta, trece en Montecelo, catro no Hospital do Salnés e un no hospital QuirónSalud Miguel Domínguez de Pontevedra.
O resto dos pacientes que contraeron o virus, outras 453 persoas, atópanse illados nos seus domicilios e recuperándose baixo supervisión médica.
Desde o inicio da pandemia 2.150 pacientes da área sanitaria superaron a covid-19, vinte máis desde onte, e rexistráronse 25 falecementos asociados ao virus.
En canto á realización de probas PCR, fixéronse na área sanitaria de Pontevedra e O Salnés un total de 54.616, 537 nas últimas horas. Desde onte, detectáronse 38 novos positivos por PCR. A estas probas súmanse as 36.264 serologías realizadas ata a data.
A nivel autonómico a Dirección Xeral de Saúde Pública informa que o número de casos activos de coronavirus en Galicia é de 5.101, 169 máis que o día anterior. Deles 852 son da área da Coruña, 483 da de Lugo, 1.516 da de Ourense, 475 da de Pontevedra, 791 da área de Vigo, 762 da de Santiago e 222 da de Ferrol.
Do total de pacientes positivos, 46 están en UCI, 266 en unidades de hospitalización e 4.789 no domicilio. Por agora, en Galicia hai un total de 23.578 persoas curadas, rexistrándose 822 falecementos.
Desde o inicio da pandemia realizáronse en Galicia 592.162 probas PCR e 381.824 probas serológicas que, nas últimas 24 horas, permitiron detectar a 417 infectados.
Relacionadas:
-
Dous novos ingresos elevan a 24 os hospitalizados por covid-19 entre os 481 casos activos en Pontevedra
Por Alejandro Espiño |
-
Falece unha muller de 73 anos que estaba ingresada por covid-19 no Hospital Montecelo
Por Redacción |
-
Alerta vermella en Poio ante o incremento dos contaxios por covid-19 nos últimos sete días
Por Redacción |
-
Marín, Pontevedra e Poio, en alerta laranxa pola evolución da covid-19 na última semana
Por Alejandro Espiño |
-
Cincuenta e catro novos contaxios disparan de novo os casos de covid-19 en Pontevedra
Por Alejandro Espiño |
-
Galicia activa a PassCOVID, unha APP con alertas sobre a covid-19
Por Alejandro Espiño |