Os comerciantes de Pontevedra, a través da mirada dos máis pequenos
Por Redacción
Fotografías realizadas por nenos e nenas de Pontevedra formarán parte dunha exposición que busca visibilizar o labor dos comerciantes da cidade. É a fin última do programa "Atende o teu", impulsada pola concellería de Promoción económica a través do programa PonteLovers.
A primeira ruta desta iniciativa, organizada por Taller Abierto, celebrouse este sábado. Partiu da Biotienda Xano, na Travesía da Eiriña, e posteriormente pasou por Tendencias Floristería, Alba Música, Ferretería Pontevedra, Luna Nueva Libros, Tobico e Mage.
O programa pretende poñer en valor a actividade do comercio local de proximidade a través da ollada e a creatividade dos rapaces, que se están a amosar entusiasmados coas historias que lles contan os propietarios dos establecementos.
Os nenos entran nas tendas en grupos de catro, sempre con máscara, seguindo os circuítos de frechas #PonteLovers marcados polos comercios e poñendo xel hidroalcólico á entrada.
Xa dentro recollen coas súas cámaras os detalles máis interesantes de cada tenda.
Relacionadas:
-
Adiada a decembro a exposición de fotografía do programa "Atende ao Teu"
Por Redacción |
-
RADIO.- Cara a cara: Nena, sorrí e mira á cámara
Por Marisa Ciordia |
-
O entronque das rúas Peregrina e Daniel de la Sota será ambientado para captar clientes
Por Oskar Viéitez & Mónica Patxot |
-
Promocionan o comercio local pontevedrés cunhas xornadas fotográficas para nenos
Por Manu Otero |