A Deputación adaptará a normativa estatal sobre teletraballo incorporando a perspectiva de xénero
Por Oskar Viéitez
A presidenta da Deputación de Pontevedra, Carmela Silva, anunciou que a administración provincial adaptará a normativa estatal sobre o teletraballo incorporando a perspectiva de xénero.
O pasado 22 de setembro o Consello de Ministros aprobaba a Real Decreto-lei que regulará o traballo a distancia, que queda definido como aquel que se preste, nun período de referencia de tres meses, durante un mínimo do 30% da xornada ou a porcentaxe proporcional equivalente en función da duración do contrato de traballo.
Agora a presidenta provincial informa que "xa iniciamos o procedemento para adaptar a normativa estatal ás peculiaridades da Deputación de Pontevedra" polo que presumiu "volvemos situarnos como unha administración pública pioneira".
A idea é "optimizalo para desenvolvelo con garantías" xa que, o teletraballo "non pode ser un paso atrás para as mulleres" polo que "incorporaremos a perspectiva de xénero".
"Teletraballo non é sinónimo de conciliación, que se esqueza todo o mundo", advertiu.
Xa se aprobou unha resolución para poñer isto en marcha e o primeiro paso para adaptar a normativa será a realización unha diagnose posto a posto en cada servizo e departamento. Determinaranse os equipamentos e o modelo de seguimento "para mellorar a eficacia e eficiencia".
Carmela Silva adiantou que este proceso "será escalonado e agardamos que a finais de ano teñamos unha proposta dialogada".
Relacionadas:
-
O PP alega contra o Regulamento de Teletraballo da Deputación e pide que estea máis "pegado á realidade"
Por Redacción |
-
Piden á Deputación que fomente o teletraballo para reducir o número de traballadores en cada servizo
Por Oskar Viéitez |
-
Encargan un estudo para avaliar o impacto do teletraballo sobre a igualdade
Por Alejandro Espiño |
-
O PP lamenta o "tempo perdido" na Deputación coa implantación do teletraballo
Por Oskar Viéitez |
-
A Deputación abordará cos sindicatos novas propostas de conciliación
Por Oskar Viéitez |
-
A Deputación elaborará un informe alertando do temor a que as mulleres volvan quedar invisibilizadas tras o teletraballo
Por Redacción |
-
Carmela Silva: "O teletraballo nada ten que ver coa conciliación"
Por Oskar Viéitez |