O Concello da Lama mellora a accesibilidade no barrio de San Lourenzo
Por Redacción
O Concello da Lama executa obras de mellora no Camiño Volta do Río, da parroquia de Escuadra. Para comprobar o avance dos traballos e o cumprimento das peticións dos veciños achegáronse ata o lugar o tenente de alcalde, David Carrera; e o concelleiro da zona, Daniel Vidal.
O obxectivo da intervención é mellorar a rede viaria interior do municipio, concretamente no barrio de San Lourenzo, no que había serios problemas de acceso para os vehículos de emerxencias. As obras consisten na construción de novos muros e peches perimetrais así como o hormigonado do vial ata chegar ao río Barbeira facilitando ao final do camiño unha pequela chaira a modo de praza que permitirá dar a volta con facilidade aos coches.
Tanto David Carrera como Daniel Vidal agradeceron a colaboración veciñal que permitiu poder afrontar esta importante obra a través da cesión de partes de parcelas privadas.