O campo de fútbol de Marcón acollerá unha proba do campionato de España de Agility
Por Redacción
O campo de fútbol de Marcón acollerá os días 17 e 18 de outubro unha proba puntuable para o campionato de España de Agility. Uns 80 cans procedentes de Galicia, Asturias e Portugal, entre eles campións nacionais, competirán nunhas xornadas organizadas polo Club de Agility Patas en colaboración coa Sociedade Canina Galega e as concellerías de Promoción Económica e Benestar Animal.
O inicio do evento está previsto para o día 17 a partir das 16 horas coa disputa das primeiras mangas das modalidades de agility e jumping para os cans das categorías Grao 1, 2 e 3. A cita concluirá o domingo pola mañá.
"Eu asistín o ano pasado por primeira vez a unha competición deste tipo e podo dicir que é absolutamente trepidante, unha marabilla", recoñeceu a edila Yoya Blanco despois de explicar en que consiste este deporte no que un guia mostra ao seu can o camiño para seguir para superar os obstáculos no menor tempo posible.
"Un dos beneficios do agility está en aumentar a obediencia do can e incrementar a boa relación e o vínculo afectivo entre mascota e propietario. En Pontevedra hai varios clubs que participan en diferentes competicións”, remata Blanco.
Relacionadas:
-
O campo de fútbol de Marcón repetirá como circuito de Agility
Por Redacción |
-
Os cans máis 'áxiles' do noroeste ibérico miden a súa destreza en Marcón
Por Redacción |
-
80 cans competirán nunha proba de agility no Recinto Feiral
Por Oskar Viéitez |
-
A Illa das Esculturas será escenario dunha carreira benéfica canina
Por Diego Espiño |