A nova rede con tobogán do parque de Punta Vicaño estará instalado antes de final de ano
Por Redacción
O Concello de Sanxenxo decidiu ampliar o actual parque de Punta Vicaño e incorporar un novo elemento de xogo destinado aos nenos maiores de seis anos. Trátase dunha rede con tobogán que se instalará antes de que acabe este ano.
A instalación desta estrutura, que custou 49.893 euros, correrá a cargo da empresa HPC Ibérica. A Xunta de Galicia achegará o 70% dese diñeiro e o Concello o 30% restante.
Este xogo, segundo destaca o goberno municipal, permitirá aos nenos estar en contacto coa natureza, practicar exercicio e traballar a coordinación, o equilibrio e a seguridade.
A nova peza de xogo combinará unha estrutura de rede escaladora con tobogán e unha base con céspede artificial sintético de 94 metros cadrados.
Esta actuación completará as últimas obras de mellora executadas no parque de Punta Vicaño e que contaron cunha subvención de 88.298 euros do Fondo de Compensación Ambiental dependente da Vicepresidencia da Xunta de Galicia.
Entre outras cuestións mellorouse o sendeito principal do parque e construíuse un estanque con plantas acuáticas que, ademais de embelecer a contorna, fomenta a presenza de paxaros na zona.
Tamén se renovou o sendeiro que circunvala a marxe esquerda do parque, instalouse unha rede eléctrica con luminarias en ambos os dous camiños e plantáronse máis dun centenar de árbores de distintas especies para reforzar a beleza do espazo.
Relacionadas:
-
Os vándalos causan danos nos parques infantís de Soutullo e Panadeira
Por Redacción |
-
O Parque de Punta Vicaño estrea xogo
Por Redacción |
-
Unha rede de escalada e un tobogán ampliarán a zona de xogo en Punta Vicaño
Por Oskar Viéitez |
-
Sanxenxo ultima as obras de Punta Vicaño e da PO-308 coa vista posta no verán
Por Redacción |
-
Sanxenxo proxecta novas actuacións no parque de Punta Vicaño
Por Redacción |