O conselleiro de Cultura recibirá a insignia de ouro dos Amigos do Camiño Portugués
Por Redacción
A asemblea xeral da Asociación das Amigas e Amigos do Camiño Portugués a Santiago decidía este verán facer entrega a Román Rodríguez González, conselleiro de Cultura, Educación e Universidade, da insignia de ouro da asociación.
Debido á situación sanitaria, o acto de entrega foise demorando ata que desde a asociación pontevedresa se decidiron a poñer data, susceptible de cambios en función da evolución da pandemia.
O acto de imposición celebrarase o próximo 23 de outubro no Salón Nobre do Liceo Casino de Pontevedra.
A elección de Román Rodríguez débese ao agradecemento que os membros da asociación lle queren manifestar polo seu apoio na ampliación do albergue "Virxe Peregrina", que a asociación vén xestionando desde o Ano Santo de 1999.
A entrega desta insignia é a antesala dun Ano Xacobeo, o de 2021, que se presenta cheo de incerteza pola evolución da pandemia. Precisamente o conselleiro agradecía mediante carta este recoñecemento manifestando que "estamos a traballar arreo polo coidado e promoción do Camiño de Santiago, coas miras postas no vindeiro Ano Santo 2021".
Así mesmo, Román Rodríguez eloxiaba o labor das Amigas e Amigos do Camiño Portugués a Santiago: "quero resaltar que representades a pé de Camiño a mellor embaixada de Galicia e da peregrinación xacobea, xa que tras un longo traxecto sodes a cara amable que recibe aos peregrinos, unha vez rematado cada treito".
Relacionadas:
-
Investirán 430.000 euros para mellorar a eficiencia enerxética do albergue de peregrinos
Por Cristina Saiz |
-
O PP pide partidas específicas para o Ano Xacobeo nos Orzamentos Xerais do Estado
Por Oskar Viéitez |
-
A presidenta da Deputación mantén o apoio ao Camiño de Santiago como elemento de atracción de visitantes
Por Redacción | Creada e actualizada
-
A Asociación de Amigos do Camiño Portugués concede a súa insignia de ouro ao conselleiro Román Rodríguez
Por Mónica Patxot |
-
O Albergue de Peregrinos estrea as instalacións que o converten no local de máis capacidade do Camiño Portugués
Por Redacción |
-
Pontevedra terá un papel "protagonista" no Xacobeo 2021, avanza Román Rodríguez
Por Alejandro Espiño |
-
Román Rodríguez destaca a "crecente relevancia" de Pontevedra e o Camiño Portugués no "panorama xacobeo"
Por Oskar Viéitez | Creada e actualizada
-
Amigos do Camiño Portugués recoñece o apoio da Brilat á ruta xacobea
Por Natalia Puga & Mónica Patxot |