O estudo para o transporte a demanda en Pontevedra estará feito a finais de 2021
Por Alejandro Espiño
O Concello de Pontevedra segue a avanzar no deseño do transporte colectivo a demanda que se prevé implantar no municipio, especialmente para mellorar as conexións entre as quince parroquias do rural e o centro urbano.
A UTE formada por MCRIT SL e Seteoitavas Sociedade Cooperativa Galega será a encargada de realizar o estudo previo e a proposta de explotación deste servizo de transporte a demanda.
Será a través dunha asistencia técnica pola que cobrarán 76.683,75 euros. Ademais, ofreceron melloras por algo máis de 37.500 euros, que se refiren ao grao de definición dos contidos e obxectivos do contrato.
A portavoz do goberno municipal, Anabel Gulías, celebrou este "paso adiante" que dá este proxecto. Se se cumpren os prazos previstos, o estudo tería que estar rematado a finais de 2021, ao ter un prazo de execución de doce meses.
Gulías lembrou que para o goberno local "é prioritario" avanzar nunha liña de transporte a demanda para favorecer a conectividade das zonas rurais coa cidade. Este estudo, engadiu, servirá destacar cales son as necesidades á hora de implementar o servizo.
O estudo permitirá analizar o comportamento da mobilidade nas parroquias de cara a deseñar solucións acaídas, tanto na fórmula técnica como nas fórmulas legais, dándolle encaixe dentro da lexislación do Estado español, da lexislación galega e tamén da europea.
O transporte colectivo a demanda que prevé implantar Pontevedra é un dos programas incluídos na Estratexia de Desenvolvemento Urbano Sostible (EDUSI) presentada por Pontevedra aos fondos europeos de desenvolvemento rexional.
Relacionadas:
-
Enquisas na primeira quincena de xuño para coñecer hábitos de mobilidade e perfilar o transporte a demanda
Por Anxo Lourido |
-
Membros do Ministerio de Transporte e da Comisión Europea analizarán no Principal os fondos económicos para a mobilidade
Por Redacción |
-
A plataforma de transporte compartido a demanda funcionará a finais de 2022 para dar servizo ao rural
Por Redacción |
-
Tecnoloxía galega e aragonesa para a APP do transporte a demanda de Pontevedra
Por Alejandro Espiño |
-
Dúas empresas compiten por deseñar a APP do transporte a demanda de Pontevedra
Por Redacción |
-
Cinco empresas optan a realizar o estudo e proposta de explotación do transporte a demanda de Pontevedra
Por Redacción |
-
Sacan a licitación dous trámites que poñen máis preto o proxecto de transporte a demanda
Por Natalia Puga |