Lamentan que Rafa Domínguez estea "baixo a tutela" do PP de Poio, "un dos peores PP que hai"
Por Alejandro Espiño
As protestas organizadas polo PP de Pontevedra, en colaboración cos seus homólogos de Poio, polo peche ao tráfico da avenida Reina Vitoria, non gustaron no goberno municipal de Pontevedra.
Desde o Concello lamentan que os populares pontevedreses, en especial o seu líder Rafa Domínguez, estea "baixo a tutela" do PP de Poio.
O PP do municipio veciño, segundo a portavoz municipal Anabel Gulías, "é un dous peores PP que persoalmente coñezo".
Gulías censurou que o PP de Poio estea dirixido "por un señor que esaxera e manipula", en referencia ao seu portavoz, Ángel Moldes, e que, nos últimos tempos, se caracterizou "polos escándalos e por montar líos".
A portavoz municipal engadiu que entende as "disputas lóxicas" coa oposición, pero censurou a "foto pintoresca de ganchete" de Domínguez e Moldes en Raíña Vitoria que, segundo dixo, "amosa a peor cara do PP" na súa defensa dos intereses de Pontevedra.
MOLDES LAMENTA AS DESCUALIFICACIÓNS CONTRA EL
O aludido nestas críticas, Ángel Moldes, sinalou que "algo se está facendo ben" desde o PP cando o goberno municipal de Pontevedra "recorre á descualificación e ao insulto".
"Cando se ten que recorrer a iso, imaxinámonos que é polo nerviosismo das eleccións", sinalou Moldes, lembrando que os nacionalistas "cada vez baixan máis" nos dous municipios, "e no caso de Poio máis".
Por iso, o portavoz do PP de Poio recomenda ao BNG de Pontevedra que "máis que preocuparse do que facemos nós que se preocupen do que fan os seus compañeiros".
Relacionadas:
-
O corte de Raíña Vitoria será "indefinido" e manterase "mentres dure a covid-19"
Por Alejandro Espiño |
-
Comerciantes, empresarios e oposición fan piña para reabrir Raíña Vitoria ao tráfico
Por Manu Otero |
-
Rafa Domínguez pide ao alcalde "que chame á orde e controle" ao concelleiro Demetrio Gómez
Por Oskar Viéitez |
-
Comerciantes de Raíña Vitoria trasladan ao Concello o seu rexeitamento ao corte ao tráfico da rúa
Por Redacción |
-
Fronte común do PP de Pontevedra e Poio contra o peche da rúa Reina Vitoria
Por Redacción |