A área sanitaria rexistra 55 pacientes curados e 21 casos positivos novos
Por Oskar Viéitez
Este domingo 4 de outubro a área Sanitaria de Pontevedra-O Salnés informou que nas últimas 24 horas curáronse outros 55 pacientes e rexistráronse 21 casos positivos novos.
Segundo os datos actualizados, mantéñense 14 pacientes covid ingresados en planta de hospitalización. 12 en Montecelo, 1 no QuirónSalud Miguel Domínguez e 1 no Hospital do Salnés, así como 7 pacientes covid na unidade de Coidados Críticos do Hospital Montecelo.
Así mesmo, permanecen 668persoas infectadas evolucionando nos seus domicilio.
En total son 689 casos covid nesta área Sanitaria (34 menos que onte).
Desde o inicio do plan de continxencia do covid-19 curáronse 1.521 pacientes (55 máis que no día de onte) e faleceron por este virus na área sanitaria 21 pacientes.
En canto a realización de PCR’ s, nas últimas 24 horas realizáronse 445 , que se engaden ás 45.480 xa efectuadas desde o inicio da pandemia na área sanitaria de Pontevedra-O Salnés .
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 4.038, deles 819 son da área da Coruña, 493 da de Lugo, 946 da de Ourense, 689 da de Pontevedra, 445 da área de Vigo, 530 da de Santiago, e 116 da de Ferrol.
Do total de pacientes positivos, 36 están en UCI, 192 en unidades de hospitalización e 3.810 no domicilio. Polo de agora, en Galicia hai un total de 19.981 persoas curadas, rexistrándose 755 falecementos. Catro nas últimas 24 horas.
O número de PCR realizadas é de 504.922.