Peche da rúa Echegaray durante a mañá do domingo
Por Redacción
A rúa Echegaray permanecerá pechada á circulación de vehículos durante a mañá do domingo 4 de outubro, na franxa horaria comprendida entre as 7:30 e as 15 horas.
Segundo informa o Concello de Pontevedra, o motivo deste peche puntual é a instalación dun guindastre de grandes dimensións, que se realiza en domingo por ser a xornada con menos volume de tráfico rodado.
O acceso a garaxes, así como as urxencias que se poidan producir, deberán realizarse con entrada e saída polo mesmo lugar. Así, tomando como punto de referencia o lugar no que se está instalando o guindastre, os garaxes que queden cara a marxe da rotonda do paseo de Colón con Alfonso XIII deben entrar e saír por esa banda, e os garaxes que queden cara a marxe da rúa Alameda deben entrar en saír pola rúa Alameda.
Ademais, colocarase sinalización advertindo do peche desta rúa na rotonda de San Roque, na rúa Alameda e na rotonda do paseo de Colón con Alfonso XIII.